[pune] - मोदींच्या दौऱ्याचा फटका विद्यार्थी-ग्रामस्थांना

  |   Punenews

म. टा. प्रतिनिधी । पुणे

पंतप्रधान नरेंद्र मोदी उद्या शुक्रवारी १९ ऑक्टोंबर शिर्डीला येत असून त्यांच्या सुरक्षेच्या कारणास्तव महाराष्ट्र राज्य मार्ग परिवहन महामंडळाने (एसटी) शालेय बस फेर्‍या रद्द केल्या आहेत. तसंच, दुपारी तीन वाजेपर्यंत ग्रामीण भागातील सर्व फेऱ्या रद्द करण्याचा निर्णय घेतला आहे. या निर्णयामुळे शालेय विद्यार्थ्यांना घरापासून शाळेत जाण्यासाठी पायपीट करावी लागणार आहे. तर, ग्रामस्थांचेही हाल होणार आहेत.

मोदी हे शुक्रवारी शिर्डीला येत आहेत. मोदी यांच्या सुरक्षेच्या कारणास्तव कोपरगाव आगाराने त्या दिवशी शिर्डी परिसरातील सर्व शालेय फेऱ्या दिवसभरासाठी आणि ग्रामीण भागाला जोडणाऱ्या एसटीच्या फेऱ्या दुपारी तीनपर्यंत रद्द करण्याचा निर्णय घेतला आहे. रद्द केलेल्या बसेसचा वापर त्याच दिवशी शिर्डी येथे करण्यात येणार आहे. ग्रामीण भागातील विद्यार्थ्यांना शहरात किंवा तालुक्याच्या ठिकाणी ये-जा करण्यासाठी एसटी हाच पर्याय असते. मोदी यांच्या दौऱ्यामुळं शाळेत जाणाऱ्या विद्यार्थ्यांना वाहतुकीची इतर साधने उपलब्ध होण्याची शक्यता कमी आहे. अशातच एसटीची सेवा बंद असल्याने त्यांना शाळेत जाण्यासाठी पायपीट करावी लागणार आहे. एकप्रकारे मोदी यांच्या दौऱ्यामुळं शाळेला अघोषित सुट्टी मिळविण्याची शक्यता आहे, असे शिक्षकांनी सांगितले. एसटीच्या या निर्णयामुळं नागरिकांमध्ये नाराजी आहे.

फोटो - http://v.duta.us/_RcelAAA

येथे संपूर्ण कथा वाचा— - http://v.duta.us/qaa_9QAA

📲 Get Pune News on Whatsapp 💬