[aurangabad-maharashtra] - दोन दिवस निर्जळीचे संकट

  |   Aurangabad-Maharashtranews

म. टा. प्रतिनिधी, औरंगाबाद

महावितरण आणि महापारेषण या कंपनीने शुक्रवारी (२६ ऑक्टोबर) सात तासांचे महाशटडाऊन घेतले आहे. त्यामुळे औरंगाबादकरांना पुढील दोन दिवस निर्जळीला सामोरे जावे लागणार आहे.

जायकवाडी येथील पंपहाऊसच्या परिसरात असलेल्या वीज उपकेंद्रात अत्यावश्यक देखभाल दुरुस्तीची कामे करण्यासाठी महावितरण व महापारेषण या कंपनीने महापालिकेकडे शुक्रवारी सकाळी दहा ते सायंकाळी पाच वाजेपर्यंत शटडाऊन मागितला आहे. महापालिकेने त्याला संमती दिली आहे. त्यामुळे शुक्रवारी सकाळी दहा ते पाच वाजेपर्यंत शहराला पाणी पुरवठा करणाऱ्या दोन्हीही योजना बंद राहणार आहेत. शटडाऊनच्या काळात महापालिकेतर्फेही पाणी पुरवठा योजनेवर देखभाल दुरुस्तीची कामे केली जाणार आहेत. ही कामे पूर्ण झाल्यावर सायंकाळी पाच वाजेच्या नंतर टप्प्याटप्प्याने पाणी पुरवठा सुरू केला जाणार आहे. पाणी पुरवठा पूर्वपदावर येण्यासाठी किमान दोन दिवस लागतील, असे मानले जात आहे. त्यामुळे शहरवासियांना किमान दोन दिवस निर्जळीला सामोरे जावे लागणार आहे.

येथे संपूर्ण कथा वाचा— - http://v.duta.us/4BXj4AAA

📲 Get Aurangabad-maharashtra News on Whatsapp 💬