[pune] - पंधरा लाखांचे सोने लंपास

  |   Punenews

म. टा. प्रतिनिधी, पुणे

नातेवाइकांना दाखविण्यासाठी दागिने घरी घेऊन जातो, असे सांगून १५ लाख रुपयांचे दागिने नेऊन सोन्या मारुती चौकातील सराफाची फसवणूक केल्याचा प्रकार समोर आला आहे.

या प्रकरणी दिनेश धनराज साखरिया (वय ४७, रा. मुकुंदनगर) यांनी फरासखाना पोलिस ठाण्यात फिर्याद दाखल केली असून, त्यावरून धर्मेश दफ्तरी (वय ४०, रा. सदाशिव पेठ) आणि स्वाती धर्मेश दफ्तरी यांच्या विरोधात गुन्हा दाखल करण्यात आला आहे. फिर्यादी साखरिया यांचे लक्ष्मी रस्त्यावर सोन्या मारुती चौक येथे धनराज एस. साखरिया नावाने पेढी आहे. फिर्यादी आणि आरोपी हे ओळखीचे आहेत. आरोपींनी ओळखीचा फायदा घेऊन चार एप्रिल २०१८ रोजी फिर्यादीच्या दुकानातून १५ लाख रुपयाचे सोन्याचे दागिने नातेवाइकांना दाखविण्यासाठी घरी नेले होते. मात्र, त्यानंतर आजतागायत ते दागिने फिर्यादी यांना परत केलेले नाहीत; तसेच त्याचे पैसेही दिलेले नाहीत. त्यामुळे आता फिर्यादी यांनी फसवणुकीचा गुन्हा दाखल केला आहे. आरोपी आणि फिर्यादी एकाच समाजातील असून, आरोपी महिला फिर्यादीच्या कुटुंबातील एका महिलेची मैत्रीणही आहे. त्यामुळे फिर्यादीने विश्वासाने दागिने दिले होते, अशी माहिती या गुन्ह्याच्या तपास अधिकारी सहायक पोलिस निरीक्षक व्ही. एन. शिंदे यांनी दिली.

येथे संपूर्ण कथा वाचा— - http://v.duta.us/381tKwAA

📲 Get Pune News on Whatsapp 💬