[nagpur] - मोनिका किरणापुरे हत्याकांडातील आरोपीचा हल्ला

  |   Nagpurnews

नागपूर: क्षुल्लक कारणावरून मोनिका किरणापुरे हत्याकांडाचा सूत्रधार कुणाल अनिल जैस्वाल व त्याच्या वडिलाने एका युवकावर हल्ला केला. याप्रकरणी नरखेड पोलिसांनी कुणाल व त्याच्या वडिलांविरुद्ध अदखलपात्र गुन्हा दाखल केला आहे. ही घटना सावरगाव येथे घडली. दिलीप तुळशीराम बालपांडे ,असे मारहाण करण्यात आलेल्या युवकाचे नाव आहे.

नरखेड पोलिसांनी दिलेल्या माहितीनुसार, बालपांडे व जयस्वाल कुटुंब शेजारी राहतात. बालपांडे याने त्याची मोटरसायकल कुणालच्या घराजवळ पार्क केली. यावरून कुणाल व त्याच्या वडिलांनी बालपांडे याच्यासोबत वाद घातला. अनिल यांनी बालपांडेला शिवीगाळ केली. तर कुणालने बालपांडेला मारहाण केली. कुणालला जन्मठेपेची शिक्षा झाली आहे. पॅरोलवर तो कारागृहाबाहेर आला आहे. नंदनवन परिसरातील केडीके कॉलेजकडे पायी निघालेल्या मोनिका किरणापुरे या विद्यार्थिनीची ११ मार्च २०११ ला निर्घृण हत्या करण्यात आली होती. या हत्याकांडाचा कुणाल हा सूत्रधार आहे.

येथे संपूर्ण कथा वाचा— - http://v.duta.us/RSgAHAAA

📲 Get Nagpur News on Whatsapp 💬