[nashik] - सोमेश्वर धबधब्यावर जीवरक्षक पथक तैनात

  |   Nashiknews

म. टा. प्रतिनिधी, नाशिक

सोमेश्वर धबधबा आणि येथील गोदापात्रातील पाण्याचा प्रवाह पाहण्यासाठी पर्यटकांची गर्दी वाढू लागली आहे. अतिउत्साही पर्यटक जीव धोक्यात घालून पर्यटनाचा आनंद घेत असल्याने खबरदारी म्हणून या परिसरात जिल्हा आपत्ती व्यवस्थापन विभागाने सोमवारी जीवरक्षक पथकाची नेमणूक केली.

तिसऱ्या श्रावणी सोमवारनिमित्त श्री सोमेश्वर महादेवाचे दर्शन घेण्यासाठी भाविकांची गर्दी वाढली. हौशी पर्यटकांनी सोमेश्वर धबधबा आणि गोदापात्राकडे धाव घेतली. हौशी पर्यटकांना सेल्फी घेण्याचा मोह आवरता येत नसल्याचे चित्र याठिकाणी पहावयास मिळत होते. गंगापूर पोलिसांनी याबाबतची माहिती जिल्हा प्रशासनाच्या आपत्ती व्यवस्थापन विभागाला देऊन या परिसरात जीवरक्षकांचे पथक नेमण्याची मागणी केली. त्यानुसार या भागात १० जीवरक्षकांचे पथक नेमण्यात आले. या पथकाने पोलिसांच्या मदतीने उत्साही पर्यटकांना सुरक्षितस्थळी जाण्याचे तसेच जोखीम उचलून सेल्फी न काढण्याचे आवाहन केले.

येथे संपूर्ण कथा वाचा— - http://v.duta.us/yk4qYwAA

📲 Get Nashik News on Whatsapp 💬