[thane] - प्रकल्पग्रस्तांच्या मागण्यांना व्यासपीठ

  |   Thanenews

म. टा. वृत्तसेवा, नवी मुंबई

वारंवार मुदत दिल्यानंतरही विमानतळबाधितांनी स्थलांतरास नकार दिल्याने नवी मुंबईच्या आंतरराष्ट्रीय विमानतळाच्या मार्गात अडथळा निर्माण झाला होता.

या दहा गावांतील ग्रामस्थांच्या पुनर्वसनासंदर्भातील तक्रारींचे निवारण करण्यासाठी सिडकोने विशेष समिती स्थापन केली असून पूर्वीच्या तक्रार निवारण समितीने अमान्य केलेल्या प्रकल्पग्रस्तांच्या १८६ तक्रारींचे पुनर्विलोकन करण्याची जबाबदारी या समितीवर सोपविण्यात आली आहे. मात्र, या समितीची बैठकच होत नसल्याने प्रकल्पग्रस्तांमध्ये नाराजी होती. अखेर या समितीच्या पहिल्या बैठकीला मुहूर्त लाभला असून वाघिवली गावातील प्रकल्पग्रस्तांची बाजू त्यांनी समजून घेतली आहे.

विमानतळ प्रकल्पामुळे स्थलांतरित होणाऱ्या दहा गावांतील ग्रामस्थांना राज्य सरकारने मंजूर केलेल्या प्रस्तावानुसार पुनर्वसन पॅकेज दिले जात आहे. प्रकल्पग्रस्तांच्या मागणीनुसार या पॅकेजमध्ये वेळोवेळी सुधारणा करण्यात आली. त्यानुसार या पुनर्वसनाची अंमलबजावणीही सुरू करण्यात आली आहे. मात्र, त्यानंतरही दहा गावांतील अनेक बांधकामधारकांच्या तक्रारी येत होत्या. या तक्रारींचे निराकरण करण्यासाठी सिडकोचे तत्कालीन व्यवस्थापकीय संचालक भूषण गगराणी यांनी अप्पर जिल्हाधिकारी तथा सिडकोच्या अनधिकृत बांधकाम विभागाचे मुख्य नियंत्रक एस. एस. पाटील यांच्या अध्यक्षतेखाली पाच सदस्यांची समिती स्थापन केली होती....

येथे संपूर्ण कथा वाचा— - http://v.duta.us/tW3PtAAA

📲 Get Thane News on Whatsapp 💬