[nagpur] - एनसीसीच्या १२ विद्यार्थिनींना शिबिरादरम्यान विषबाधा

  |   Nagpurnews

म.टा. प्रतिनिधी, नागपूर

पिपळा डाक बंगला येथे सुरू असलेल्या शिबिरादरम्यान एनसीसीच्या विद्यार्थिनींनी विषबाधा झाल्याने खळबळ उडाली आहे. या मुलींना तातडीने मेयो हॉस्पिटमध्ये दाखल करण्यात आले असून त्यांच्यावर उपचार सुरू आहेत.

पोलिसांनी दिलेल्या माहितीनुसार, गत काही दिवसांपासून पिपळा डाक बंगला येथे एनसीसीचे शिबिर सुरू आहे. या शिबिरामध्ये २० ते २६ वर्षे वयोगटातील विद्यार्थिनी सहभागी झाल्या आहेत. बुधवारी रात्री विद्यार्थिनींनी जेवण केल्यानंतर एका विद्यार्थिनीची प्रकृती खालावली. त्यापाठोपाठ १२ विद्यार्थिनींची प्रकृती खालावली. या प्रकारामुळे तेथील अधिकाऱ्यांमध्ये खळबळ उडाली. लगेच विद्यार्थिनींना मिळेल त्या वाहनांनी मेयो हॉस्पिटलमध्ये दाखल करण्यात आले. सध्या विद्यार्थिनींची प्रकृती धोक्याबाहेर असून त्यांच्यावर उपचार सुरू आहेत. त्यांना विषबाधा झाली किंवा नाही हे सध्याच सांगता येणार नाही, असे मेयोच्या डॉक्टरांनी सांगितले.

येथे संपूर्ण कथा वाचा— - http://v.duta.us/6jZRYQAA

📲 Get Nagpur News on Whatsapp 💬