[nagpur] - मनपातील देवीदेवतांची फोटो काढले बाहेर

  |   Nagpurnews

म.टा. प्रतिनिधी, नागपूर

मनपातर्फे शहरातील धार्मिक स्थळांवर करण्यात येत असलेल्या कारवाईविरोधात बुधवारी विहिंप व बजरंग दलाच्या कार्यकर्त्यांनी मनपात धाव घेत अधिकारी व विभागात असणाऱ्या देवतांची फोटो व मूर्ती बाहेर काढल्या. यात आयुक्तांच्या कक्षात असलेली गणपतीच्या मूर्तीचाही समावेश आहे.

गेल्या काही दिवसांपासून न्यायालयाच्या आदेशानुसार शहरात मनपा व नासुप्रतर्फे विनापरवानगी उभारण्यात आलेल्या धार्मिक स्थळांवर कारवाई करण्यात येत आहे. रस्त्यांवर असलेले धार्मिक स्थळ, सार्वजनिक वापराच्या जागेवरील तसेच खासगी जागांवरील​ मंजूर नकाशाप्रमाणे नसलेल्या धार्मिक स्थळांचा यात समावेश आहे. या कारवाईविरोधात शहरात प्रचंड असंतोष आहे. न्यायालयाने यासाठी आक्षेप घेणाऱ्यांना सुनावणी शुल्कापोटी ५० व ६० हजार रुपये भरण्यास सांगितले. मात्र, शुल्क भरल्याने कारवाई होणार नाही, असा निर्णय दिला नसल्याने कारवाई सुरूच आहे. रस्त्यांवरील धार्मिक स्थळ हटविण्याचे काम अद्यापही सुरूच आहे. त्यामुळे नागरिकांनी त्यांचा विरोध कायम ठेवला. याचे पडसाद म्हणून बुधवारी मोठ्या संख्येत कार्यकर्त्यांनी मनपा मुख्यालयात धाव घेतली. मुख्यालयाबाहेर जोरदार घोषणाबाजी केली. त्यानंतर कार्यकर्त्यांनी कार्यालयात शिरत प्रत्येक विभागात प्रवेश केला. ज्या विभागात देवीदेवतांची फोटो तसेच मूर्त आहेत त्या ताब्यात घेतल्या. कार्यकर्त्यांनी आयुक्त वीरेंद्र​ सिंह यांच्या कक्षातही धाव घेतली. त्यांच्या कक्षात फार पूर्वीपासून ठेवलेली श्री गणेशाची मोठी मूर्ती ताब्यात घेऊन बाहेर पडले. त्यानंतर या सर्व फोटो व मूर्ती परिसरातीलच एका मंदिरात ठेवण्यात आले. कार्यकर्त्यांच्या या आंदोलनामुळे मुख्यालयात काही काळ तणावाचे वातावरण पसरले होते.

येथे संपूर्ण कथा वाचा— - http://v.duta.us/vP6yRgAA

📲 Get Nagpur News on Whatsapp 💬