[nashik] - मोबाइल चोरीचा संशय; वृद्धाची हत्या

  |   Nashiknews

म. टा. वृत्तसेवा, सिडको

मोबाइल चोरीच्या संशयावरून मारहाणीत एका वृद्धाचा मृत्यू झाल्याची घटना सिडकोत घडली. अंबड पोलिस ठाण्यात गुन्हा दाखल करण्यात आला आहे.

याबाबत गजानन सदाशिव भगत यांनी पोलिसांत दिलेल्या फिर्यादीत म्हटले आहे की, माझे वडील सदाशिव अर्जुन भगत (वय ५५) हे शांताई अपार्टमेंट, मटालेनगर, कामटवाडे येथे चौकीदाराचे काम करीत होते. यावेळी शेजारील पेठकर यांच्या बंगल्यातील ड्रेनेजचे काम करण्यासाठी बाहेरून चार अज्ञात कामगार आले होते. या कामगारांमधील एकाचा मोबाइल गहाळ झाला. यावेळी कामगारांनी भगत यांच्यावर संशय व्यक्त करून त्यांना चापटीने मारहाण केली. यात भगत जखमी झाले. यानंतर चारही कामगार तेथून पळून गेले. त्यानंतर सायंकाळी भगत यांची तब्येत बिघडल्याने त्यांना दवाखान्यात दाखल केले असता डॉक्टरांनी त्यांना मृत घोषित केले. याप्रकरणी अंबड पोलिसांनी चार अज्ञात कामगारांविरुद्ध भादंवि कलम ३०२ प्रमाणे गुन्हा दाखल करण्यात आला असून, पुढील तपास अंबड पोलिस ठाण्याचे वरिष्ठ पोलिस निरीक्षक सोमनाथ तांबे यांच्या मार्गदर्शनाखाली पोलिस करीत आहेत.

येथे संपूर्ण कथा वाचा— - http://v.duta.us/UFtv7gAA

📲 Get Nashik News on Whatsapp 💬