[thane] - फसवणुकीनंतर १६ लाख पुन्हा खात्यात

  |   Thanenews

बदलापूर पोलिसांच्या कामगिरीचे कौतुक

म. टा. वृत्तसेवा, बदलापूर

बदलापुरात काही दिवसांपूर्वी एका तरुणाची ऑनलाइन गुंतवणुकीच्या माध्यमातून २० लाख ३५ हजार रुपयांची फसवणूक झाली होती. या घटनेत पोलिसांनी आरोपीचे बँक खाते गोठवताच, फसवणूक झालेल्या व्यक्तीच्या खात्यात १६ लाख रुपये पाठवण्यात आले. त्यामुळे पोलिसांनी केलेल्या या तपासाचे कौतुक केले जात आहे.

गेल्या काही वर्षांत नागरिकांची ऑनलाइन फसवणूक करण्योच प्रकार वाढल्याचे समोर येत आहे. असाच ऑनलाइन फसवणुकीचा प्रकार गेल्या आठवड्यात बदलापूर पश्चिमेकडे समोर आला. मयुरेश चौधरी या तरुणाला इंस्टाग्राम, व्हॉट्सअॅप आणि ई-मेलच्या माध्यमातून लाना डेब्रिज आणि डोनाल्ड स्मिथ यांच्या अकाऊंटवरून मेसेज येत होते. यात गुंतवणूक केल्यास आठ दिवसात गुंतवणूक केलेले पैसे दुप्पट करण्याचे आमिष मयुरेशला दाखवण्यात आले होते. त्यात मयुरेश याचे वडील एक कंपनीतून निवृत्त झाल्यानंतर त्याची मोठी रक्कम त्यांना मिळाली होती. मयुरेशच्या वडिलांचे काही महिन्यांपूर्वी निधन झाले होते. उच्चशिक्षित मयुरेशही बेरोजगार होता. कंपनीच्या आमिषाला बळी पडत मयुरेशने वडिलांच्या निवृत्तीचे आईच्या खात्यात असलेले पैसे लाना डेब्रिज आणि डोनाल्ड स्मिथ यांना दिले. मयुरेशला टाळण्यासाठी आरोपींनी विविध कारणे पुढे करत त्याला पैसे डॉलरच्या माध्यमातून येणार असल्याचे सांगितले. मात्र काही दिवसांनंतर आपली फसवणूक झाल्याचे लक्षात आल्यानंतर त्याने पोलिस ठाण्यात गुन्हा दाखल केला होता. या प्रकरणी वरिष्ठ पोलिस निरीक्षक लक्ष्मण यांनी तातडीने प्रक्रिया करून गुडगाव येथील एचडीएफसी बँकेच्या अधिकाऱ्यांशी संपर्क साधून संबंधित खाते गोठवण्याची कायदेशीर प्रक्रिया पूर्ण केली. ही प्रक्रिया पूर्ण झाल्यानंतर हे अकाउंट एचडीएफसी बँकेच्या गुडगाव येथील व्हेजूला प्रायव्हेट लिमिटेड या कंपनीच्या नावावर असल्याचे सिद्ध झाले. पोलिसांच्या कारवाईचा फास आवळल्याचे लक्षात येताच आरोपींनी मयुरेशच्या कोटक बँकेमध्ये पुन्हा १५ लाख ७८ हजार ४२७ रुपये जमा केले. आरोपी पोलिसांना सापडले नसले तरी पोलिसांनी केलेल्या धडक कारवाईमुळे मयुरेशचे काही प्रमाणात पैसे परत मिळाले आहेत. या प्रकरणाचा पोलिस अधिक तपास करत आहेत.

येथे संपूर्ण कथा वाचा— - http://v.duta.us/TpbvdgAA

📲 Get Thane News on Whatsapp 💬