[navi-mumbai] - मुंबईचा पारा १५ अंशांवर

  |   Navi-Mumbainews

म. टा. खास प्रतिनिधी, मुंबई

उत्तर मध्य महाराष्ट्रातील तापमानासोबतच मुंबईतील किमान तापमानामध्येही सरासरीपेक्षा मोठी घट आढळून आली आहे. सांताक्रूझ येथे किमान तापमान गुरुवारी सकाळी १५ अंश सेल्सिअस नोंदवले गेले. यंदाच्या डिसेंबर महिन्यातील हे सर्वात कमी तापमान आहे. हे तापमान गेल्या वर्षीच्या डिसेंबरमधील सर्वात कमी तापमानापेक्षाही कमी आहे.

बुधवारी रात्री मुंबईकरांना बोचरे वारे जाणवू लागले आणि त्याचा परिणाम गुरुवारी सकाळी नोंदवण्यात आलेल्या तापमानावर झाला. मुंबईचे किमान तापमान आणखी खाली उतरले. दिवसा उत्तर ते वायव्य पट्ट्यातून आणि रात्री पूर्व ते ईशान्य पट्ट्यातून वारे मुंबईच्या दिशेने वाहत आहेत. या वाऱ्यांमुळे किमान तापमान खाली आले असले तरी अजून कमाल तापमानावर अपेक्षित परिणाम झालेला नाही. गुरुवारी सांताक्रूझ आणि कुलाबा येथे कमाल तापमान ३२.६ अंश सेल्सिअस नोंदले गेले. उपनगरांमध्ये सर्वात कमी तापमान १५ अंश सेल्सिअस, गुरुवारी गोरेगाव येथे नोंदले गेले. भांडुप पश्चिम, मुलुंड पश्चिम येथेही १६ अंशांच्या आसपास किमान तापमान होते. गुरुवारी राज्यातील सर्वात कमी किमान तापमान अहमदनगर येथे ६.४ अंश सेल्सिअस नोंदले गेले, तर कमाल तापमानाचा कोकणातील पारा अजूनही ३० अंशांखाली आलेला नाही.

येथे संपूर्ण कथा वाचा— - http://v.duta.us/CD3RPQAA

📲 Get Navi-mumbai News on Whatsapp 💬