[ahmednagar] - 'संत हे सामाजाला प्रेमच देत असतात'

  |   Ahmednagarnews

म. टा. वृत्तसेवा, पाथर्डी

‘समाजाने संतांना कितीही त्रास दिला तरी संत हे समाजाला ज्ञान व प्रेमच देतात,’ असे मत भगवानगडाचे मठाधिपती डॉ. नामदेवशास्त्री यांनी व्यक्त केले.

श्री क्षेत्र भगवानगडाचे संस्थापक भगवानबाबा यांचा ५४ वा पुण्यतिथी सोहळा श्री क्षेत्र भगवानगडावर उत्साहात संपन्न झाला. या वेळी आयोजित केलेल्या काल्याच्या कीर्तनप्रसंगी ते बोलत होते. या निमित्ताने विविध धार्मिक कार्यक्रमांचे गडावर आयोजन करण्यात आले होते. औरंगाबाद ते भगवानगड दिंडीची सुरवात भगवान महासंघाचे मुख्य प्रवर्तक बाळासाहेब सानप यांनी केली. या वेळी केदारेश्वर कारखान्याचे अध्यक्ष प्रताप ढाकणे, बाळासाहेब सानप, दादासाहेब मुंडे व राज्याच्या विविध भागातून आलेले भाविक मोठ्या संख्येने उपस्थीत होते. दरवर्षीप्रमाणे असलेला पोलिस बंदोबस्त या वेळी कुठेही दिसत नव्हता. नामदेवशास्त्री म्हणाले की, ‘संत हे समाजाला अज्ञान आणि अंधश्रद्धेपासून दूर करतात. ज्याप्रमाणे लहान लेकरु आपल्या अज्ञानामुळे आईला त्रास देतं; परंतु आई मात्र त्याला प्रेमच देते. त्याप्रमाणे समाजाने संतांना कितीही त्रास दिला तरी संत हे समाजाला ज्ञान आणि प्रेमच देतात. समाजाने माऊली ज्ञानोबारायांना त्रास दिला; माऊलींनी समाजाला ज्ञानेश्वरी दिली. जगद्गुरू श्री संत तुकाराम महाराजांना समाजाने त्रास दिला. मात्र, तुकोबारायांनी समाजाचा माथा सुधारावा म्हणून गाथा दिली. नाथ महाराजांनी भागवत दिला. श्री संत भगवानबाबांना नारायणगडावर ज्यांनी त्रास दिला; तेच लोक भगवानगडावर शरण आल्यानंतर बाबांनी त्यांचे फेटा बांधून स्वागत केले होते, असे सांगत त्यांनी संत भगवानबाबांच्या शैक्षणिक, आध्यात्मिक व सामाजिक कार्याची माहिती विशद केली.

फोटो - http://v.duta.us/1P_HrwAA

येथे संपूर्ण कथा वाचा— - http://v.duta.us/dOGiYQAA

📲 Get Ahmednagar News on Whatsapp 💬