[nashik] - पोलिस उपायुक्त मगर यांची बदली

  |   Nashiknews

नाशिक : राज्य सरकारने मंगळवारी राज्यातील १२ पोलिस उपायुक्त दर्जांच्या अधिकाऱ्यांच्या बदल्या केल्या. यात, नाशिक शहर पोलिस दलातील क्राइम ब्रँचचे पोलिस उपायुक्त विजयकुमार मगर यांचाही समावेश आहे. मगर यांना नाशिकच्या नागरी हक्क संरक्षण विभागाच्या पोलिस अधीक्षक पदाचा कार्यभार सोपविण्यात आला. त्यांच्या जागी नियुक्तीच्या प्रतीक्षेत असलेल्या पौर्णिमा चौगुले यांना जबाबदारी सोपविण्यात आली आहे. दरम्यान, ग्रामीण पोलिस दलातील अपर पोलिस अधीक्षक विशाल गायकवाड यांच्या बदलीनंतर रिक्त असलेल्या जागेवर अमरावती नागरी हक्क संरक्षण विभागाच्या पोलिस अधीक्षक म्हणून कार्यरत असलेल्या शर्मिष्ठा वालावलकर यांची नियुक्ती राज्य सरकारने केली आहे. महाराष्ट्र पोलिस अकादमीत पदोन्नतीने पदस्थापनेच्या प्रतीक्षेत असलेल्या वैशाली कडूकर यांची कोल्हापूर नागरी हक्क संरक्षण विभागाच्या पोलिस अधीक्षकपदी नियुक्ती देण्यात आली आहे.

येथे संपूर्ण कथा वाचा— - http://v.duta.us/fBebsQAA

📲 Get Nashik News on Whatsapp 💬