[ahmednagar] - वोटर स्लिप ओळखीचा पुरावा नव्हे

  |   Ahmednagarnews

म. टा. प्रतिनिधी, नगर

'मतदारांना त्यांचे मतदान कोणत्या केंद्रावर आहे, ही माहिती होण्यासाठी वोटर स्लिपचे (मतदार चिठ्ठ्या) वाटप केले जात आहे; मात्र, ही स्लिप मतदानासाठीचा ओळखीचा पुरावा समजला जाणार नाही. त्यामुळे मतदारांनी मतदार ओळखपत्र किंवा केंद्रीय निवडणूक आयोगाने ठरवून दिलेल्या अन्य अकरा ओळखपत्रांपैकी एक ओळखपत्र सोबत ठेवावे,' असे आवाहन जिल्हा निवडणूक अधिकारी तथा जिल्हाधिकारी राहुल द्विवेदी यांनी केले आहे.

विधानसभा निवडणुकीसाठी २१ ऑक्टोबरला मतदान होणार आहे. मतदानासाठी येताना मतदारांना त्यांची ओळख पटविण्यासाठी छायाचित्र मतदार ओळखपत्र सोबत ठेवणे आवश्यक आहे; मात्र, ज्या मतदाराकडे छायाचित्र मतदार ओळखपत्र नसेल, त्यांना निवडणूक आयोगाने ओळखपत्र म्हणून ग्राह्य धरण्यास मान्यता दिलेल्या अकरा पुराव्यांपैकी एक ओळखीचा पुरावा मतदान केंद्रावर जाताना सोबत ठेवावा लागणार आहे. यामध्ये पासपोर्ट, वाहन चालविण्याचा परवाना, केंद्र सरकार/राज्य सरकार/सार्वजनिक उपक्रम/सार्वजनिक मर्यादित कंपनी यांनी आपल्या कर्मचाऱ्यांना दिलेले ओळखपत्र, बँक किंवा पोस्टाचे छायाचित्र असलेले पासबुक, पॅनकार्ड, नॅशनल पॉप्युलेशन रजिस्टर अंतर्गत निर्गमित स्मार्ट कार्ड, रोजगार हमी योजनेमधील जॉबकार्ड, कामगार मंत्रालय यांच्याकडील आरोग्य विमा स्मार्ट कार्ड, छायाचित्र असलेले निवृत्तीवेतन कागदपत्र, आमदार/खासदार यांना देण्यात आलेले अधिकृत ओळखपत्र आणि आधार कार्ड या ओळखपत्रांचा समावेश आहे. केवळ छायाचित्रासह वोटर स्लिप ही मतदारांची ओळख पटविण्यासाठी मतदान केंद्रावर स्वीकारली जाणार नाही. तर, मतदारांना ओळख पटविण्यासाठी स्वतःच्या छायाचित्रासह असणारे मतदार ओळखपत्र आणावे लागेल किंवा केंद्रीय निवडणूक आयोगाने निश्चित केलेल्या अकरापैकी एक ओळखपत्र आणावे लागणार आहे.

येथे संपूर्ण कथा वाचा- - http://v.duta.us/4foZjwAA

📲 Get Ahmednagar News on Whatsapp 💬