[mumbai] - आमच्या कष्टांचा सन्मान करणारा दिवस

  |   Mumbainews

म. टा. प्रतिनिधी, मुंबई

पावसाळा असो की हिवाळा, भल्या पहाटे उठायचे.. वृत्तपत्राचे गठ्ठे ताब्यात घ्यायचे आणि वाचकांच्या दिशेने हे 'समाजमनाचं प्रतिबिंब' वेळेत पोहोचविण्यासाठी निघायचे. कोणी सायकलवरून, कोणी चालत.. प्रत्येक वाचकापर्यंत वृत्तपत्र नित्यनेमाने पोहोचते करणाऱ्या या वृत्तपत्र विक्रेत्यांचा १५ ऑक्टोबर हा सन्मान दिन. या दिनाचे औचित्य साधत मुलुंड, अंधेरी, दादर, दहिसर, गोकुळधाम, गोरेगाव आणि लोअर परळ भागातील वृत्तपत्रविक्रेते बांधवांनी विविध प्रकारे आपला आनंद साजरा केला. तसेच आपल्या अनेक वर्षांच्या मागण्यांकडेही सरकारचा लक्ष वेधण्याचा प्रयत्न केला.

मागील वर्षांपासून माजी राष्ट्रपती डॉ. अब्दुल कलाम यांचा जन्मदिवस 'वृत्तपत्र विक्रेता दिन' म्हणून साजरा होत आहे. शासनातर्फे डॉ. कलाम यांचा जन्मदिन वाचन प्रेरणा दिवस म्हणून साजरा केला जातो. कलामांनी लहान असताना गरजेपोटी वृत्तपत्र वाटप केले, त्यामुळे त्यांच्या जन्मदिनी वृत्तपत्र विक्रेता दिवस साजरा व्हावा, या हेतूने हा दिन साजरा करण्यास वृत्तपत्रविक्रेत्यांकडून सुरुवात झाली. हा खास दिवस म्हणजे आमच्या कष्टाचे कौतुक करणारा, आमच्याबद्दल अभिमान निर्माण करणारा दिवस असल्याची भावना वृत्तपत्रविक्रेत्यांनी व्यक्त केली. यावेळी विविध वृत्तपत्र संघटनांद्वारे विक्रेत्यांसाठी विविध कल्याणकारी योजना, त्याबाबत अभ्यासू पद्धतीने चर्चा व उपक्रम आयोजित करण्यात आले होते. विशेष म्हणजे, वृत्तपत्रविक्रेत्यांच्या कुटुंबातील लहानग्यांनी चित्राच्या रूपात मोबाइल-इंटरनेटचे वाढलेले प्रमाण आणि परिणामी कमी होत चाललेली वाचनाची आवड या विषयाकडे लक्ष वेधले. 'वृत्तपत्र विक्रेता दिना'च्या निमित्ताने सर्व विक्रेत्यांनी सरकारला आपल्या मागण्यांची आठवण करून दिली. 'मोबाइल-इंटरनेटचे प्रमाण वाढले असले तरी हा व्यवसाय टिकावा, वाढावा, बहरावा अशी अपेक्षा समाजस्तरातून व्यक्त होत आहे. त्यासाठी स्वतंत्र महामंडळ करून वृत्तपत्र विक्रेत्यांची नोंदणी, अनुदान, पाल्य शिक्षण, आरोग्यविषयक सुविधा, राखीव घरे आदी प्रश्न मार्गी लावावेत, अशी अपेक्षा वृत्तपत्र संघटनांनी व्यक्त केली.

फोटो - http://v.duta.us/kyER7wAA

येथे संपूर्ण कथा वाचा- - http://v.duta.us/ljDmYgAA

📲 Get Mumbai News on Whatsapp 💬