[thane] - ठाण्यात दुर्मिळ कासव तस्करी उघड

  |   Thanenews

'इंडियन स्टार टॉर्टाइज' प्रजातीची विक्री करणारा अटकेत

म. टा. प्रतिनिधी, ठाणे

ठाण्यातील वसंत विहार येथील बालाजी अॅक्वेरियम या मासे व पक्षी विक्री करणाऱ्या दुकानामध्ये स्टार टॉर्टाईज या प्रजातीचे कासव विक्री होत असल्याची माहिती ठाणे वनक्षेत्रपाल ठाणे यांना मिळाली होती. त्यानुसार वनविभागाच्या पथकाने या दुकानाची तपासणी केली. दुकानमालक शीवा मुतुरामलिंगम नाडार (३२) याच्याकडे काऊंटरखाली प्लास्टिकच्या बादलीमध्ये चार कासवे आढळून आली. परंतु समाधानकारक उत्तरे न मिळाल्याने कासवे जप्त करून दुकान मालकास अटक करण्यात आली.

दक्षिण भारतामध्ये आढळणारे इंडियन स्टार कासवे ही वन्यजीव संरक्षण अधिनयानुसार संरक्षित असून त्यांची खरेदी विक्री करण्यास बंदी आहे. तसेच, ती जवळ बाळगणे, पाळणे यास बंदी असल्याने या दुकान मालकास न्यायालयात हजर करण्यात आल्यानंतर त्यास न्यायालयीन कोठडी सुनावण्यात आली आहे. उपवनसंरक्षक जितेंद्र रामगावकर, सहा. वनसंरक्षक गिरीजा देसाई-पाटील यांच्या मार्गदर्शनाखाली वनक्षेत्रपाल नरेंद्र मुठे यांच्या पथकाने ही कामगिरी केली. स्टार कासवांविषयी समाजामध्ये अनेक अंधश्रद्धा असून या कासवांचे पालन केल्यास लक्ष्मी प्राप्त होते, असे अनेक गैरसमज आहेत. तसेच, त्यांची हत्या करून त्याचा औषधी उपयोग असल्याचे सांगूनही त्यांची तस्करी केली जाते. ही व्यक्ती ३०० रुपये किंमतीला हे कासव खरेदी करत असे आणि ती तीन हजारांपासून पुढे अधिक किमतीला त्यांची विक्री करत असल्याचे तपासामध्ये उघड झाले आहे. वनविभागाकडून या आरोपीला अटक करून न्यायालयाने दिलेल्या आदेशानुसार त्याची ठाणे कारागृहात रवानगी केली आहे. अशाप्रकारची कासवविक्री करण्याचा प्रयत्न करणाऱ्यांवर वन विभागाकडून लक्ष देण्यात येत आहे. असे प्रकार शहरात घडल्यास नागरिकांनीही वनविभागाला संपर्क साधून वन्यप्राण्यांची तस्करी थांबवण्याचे आवाहन करण्यात आले आहे....

येथे संपूर्ण कथा वाचा- - http://v.duta.us/AJVFPQAA

📲 Get Thane News on Whatsapp 💬