'సైరా' 15 రోజుల కలెక్షన్స్.. తెలుగు రాష్ట్రాల్లోనూ ఊపు తగ్గింది!

  |   Tollywood

పాన్ ఇండియా సినిమాగా విడుదలైన 'సైరా నరసింహారెడ్డి'కి దేశ వ్యాప్తంగా నెగిటివ్ టాక్ వచ్చినా తెలుగు రాష్ట్రాల ప్రేక్షకులు బ్లాక్ బస్టర్ చేశారు. ఇక్కడ ఈ సినిమా రూ.100 కోట్లకు పైగా షేర్ వసూలు చేసింది. అయినప్పటికీ కొన్ని చోట్ల ఇంకా బ్రేక్ ఈవెన్ ఫిగర్‌ను చేరుకోలేదు. నైజాంలో అయితే లాభాల బాట పట్టింది. కానీ.. హిందీ, తమిళం, కన్నడ, మలయాళంలో డిజాస్టర్‌గా మిగిలిపోయింది 'సైరా'.

తెలుగు రాష్ట్రాల్లో కూడా కలెక్షన్లు తగ్గుముఖం పట్టాయి. 15వ రోజు కలెక్షన్స్ చూస్తే ఇక 'సైరా' క్లోజింగ్‌కు తగ్గరపడుతున్నట్టుగా అనిపిస్తోంది. 15వ రోజు రెండు తెలుగు రాష్ట్రాల్లో సుమారు రూ.59 లక్షలు మాత్రమే షేర్ వసూలైంది. మొత్తంగా 15 రోజుల్లో రెండు తెలుగు రాష్ట్రాల్లో రూ.103.74 కోట్ల షేర్ రాబట్టింది 'సైరా'. ఇక ప్రపంచ వ్యాప్తంగా అయితే మొత్తం షేర్ రూ. 138.23 కోట్లుగా ఉంది. గ్రాస్ సుమారు రూ. 227 కోట్లు.

అయితే, ప్రపంచ వ్యాప్తంగా 'సైరా' బ్రేక్ ఈవెన్ ఫిగర్‌ను అందుకుంటుందా లేదా అనేది డౌటే. ఇంకో విషయం ఏంటంటే.. బ్రేక్ ఈవెన్ ఫిగర్ మీద రకరకాల మాటలు వినిపిస్తున్నాయి. కొంత మంది విశ్లేషకులు సుమారు రూ.180 కోట్లని అంటున్నారు. మరికొందరు రూ.156 కోట్లు అని చెబుతున్నారు. ఈ రెండింటిలో ఏది కరెక్టో తెలియని పరిస్థితి. ఒకవేళ రూ.156 కోట్లు కరెక్ట్ అయితే బ్రేక్ ఈవెన్‌ను అందుకోవడం పెద్ద కష్టమేమీ కాదు. కానీ, రూ.180 కోట్లు అయితే మాత్రం కచ్చితంగా కష్టమే. చూద్దాం ఫైనల్‌గా 'సైరా' బ్లాక్ బస్టర్ అవుతుందో లేదో..!

ఫోటో - http://v.duta.us/8nxD5gAA

పూర్తి వివరాలు కొరకు ఇక్కడ క్లిక్ చేయండి - http://v.duta.us/pYUZdgAA

📲 Get Tollywood on Whatsapp 💬