[mumbai] - आरोपींना न्यायालयीन कोठडी

  |   Mumbainews

पंजाब अॅण्ड महाराष्ट्र को-ऑपरेटिव्ह बँक (पीएमसी) घोटाळाप्रकरणी एचडीआयएल कंपनीचे संचालक राकेश वाधवान व सारंग वाधवान यांना एस्प्लानेड महानगर दंडाधिकारी न्यायालयाने बुधवारी सात दिवसांची न्यायालयीन कोठडी दिली असली, तरी आता अंमलबजावणी संचालनालयाने (इडी) त्यांची कोठडी मागितली आहे. इडीने यासंदर्भात बुधवारी विशेष पीएमएलए न्यायालयात आपला अर्ज दाखल केला.

वाधवान पितापुत्राबरोबच पीएमसी बँकेचे माजी अध्यक्ष वरयाम सिंग यांची पोलिस कोठडीची मुदत संपत असल्याने मुंबई पोलिसांच्या आर्थिक गुन्हे शाखेने (इओडब्ल्यू) त्यांना बुधवारी न्यायाधीश एस. जी. शेख यांच्यासमोर हजर केले. त्यानंतर पोलिस कोठडीतील अधिक चौकशीची आवश्यकता नसल्याचे लक्षात घेऊन न्यायाधीशांनी त्यांची रवानगी २३ ऑक्टोबरपर्यंत न्यायालयीन कोठडीत केली.

बांधकाम क्षेत्रातील एचडीआयएल कंपनीने बँक अधिकाऱ्यांना हाताशी धरून कंपनीची ४४ थकित कर्जे २१ हजार ४९ बनावट खात्यांवर दाखवून तब्बल चार हजार ३५५ कोटी रुपयांचा घोटाळा केला, असा आरोप आहे. या प्रकरणात वाधवान पितापुत्राला इओडब्ल्यूने ३ ऑक्टोबरला अटक केली. इडीनेही मनी लाँडरिंग कायद्याखाली याप्रकरणी गुन्हा नोंदवला आहे. त्यामुळे बुधवारी दुपारनंतर विशेष पीएमएलए न्यायालयात अर्ज दाखल करून वाधवान पितापुत्राची कोठडी देण्याची विनंती इडीतर्फे करण्यात आली. मात्र, यासंदर्भातील औपचारिक बाबींची पूर्तता करावी, असे सांगून न्यायालयाने अर्जावरील सुनावणी पुढे ढकलली.

येथे संपूर्ण कथा वाचा- - http://v.duta.us/0IoYnQAA

📲 Get Mumbai News on Whatsapp 💬