[navi-mumbai] - 'नरेंद्र-देवेंद्रमुळे विकासाचे डबल इंजिन'

  |   Navi-Mumbainews

म. टा. वृत्तसेवा, नवी मुंबई/पनवेल

'महाराष्ट्रात भाजपची सत्ता आल्यानंतर देवेंद्र फडणवीस हेच पुन्हा महाराष्ट्राचे मुख्यमंत्री होतील', असे सुतोवाच करतानाच, 'दिल्लीत नरेंद्रला जसे निवडले, तसेच महाराष्ट्रात देवेंद्रला पुन्हा निवडा', असे आवाहन पंतप्रधान नरेंद्र मोदी यांनी बुधवारी नवी मुंबईतील खारघरमधील प्रचारसभेत केले. 'दिल्लीत नरेंद्र आणि महाराष्ट्रात देवेंद्र हा फॉर्म्युला पुन्हा निवडल्यास महाराष्ट्रात विकासाचे डबल इंजिन धावेल', असा विश्वास पंतप्रधानांनी व्यक्त केला.

नवी मुंबई, पनवेल, उरण व कोकणातील महायुतीच्या उमेदवारांच्या प्रचारासाठी खारघरच्या सेंट्रल पार्क येथे पंतप्रधान मोदी यांच्या सभेचे आयोजन करण्यात आले होते. यावेळी मोदी म्हणाले, 'दिल्लीत नरेंद्र आणि महाराष्ट्रात देवेंद्र हा गेल्या पाच वर्षांत सुपरहिट ठरलेला फॉर्म्युला पुन्हा अंमलात आणल्यास महाराष्ट्रात विकासाचे डबल इंजिन धावेल. जेव्हा नरेंद्र आणि देवेंद्र सोबत उभे राहतात, तेव्हा ते एक अधिक एक दोन होत नाहीत, तर एकावर एक अकरा होतात. त्यामुळे पुढील पाच वर्षांत महाराष्ट्राचा विकास अकरा पटीने वाढून देशाची अर्थव्यवस्था पाच लाख कोटी डॉलरवर पोहोचवण्यात महाराष्ट्राचा महत्त्वाचा सहभाग राहील.' यावेळी पंतप्रधानांनी पूर्वी सत्तेत असलेल्या काँग्रेस आघाडीवरही टीकास्त्र सोडले. '२०१४पूर्वी मुंबई आणि परिसरातील बांधकाम क्षेत्रात गुन्हेगार आणि बिल्डरांचे संबंध होते. अनेक गोष्टी त्यावेळी घडल्या. त्याचे पडलेले डाग काँग्रेस आणि राष्ट्रवादीला आजवर धुवून काढता आलेले नाहीत. परंतु, शेतकऱ्यांच्या जमिनी हडपणाऱ्या आणि गरिबांच्या घराची स्वप्ने उद्ध्वस्त करणाऱ्या जमीनमाफियांना संपवण्याचा प्रयत्न गेल्या पाच वर्षांत झाला. पूर्वी आघाडी सरकारच्या नेत्यांच्या संगनमतातून बिल्डर माफियांची मनमर्जी चालायची. त्यांच्या कारकिर्दीत बांधकाम क्षेत्र भ्रष्टाचाराचा पैसा जिरवण्याचे माध्यम बनले होते', अशा शब्दांत पंतप्रधानांनी आघाडी सरकारवर शरसंधान साधले. ('माफियांना साफ करायचेय'...५)

येथे संपूर्ण कथा वाचा- - http://v.duta.us/EvaRyAAA

📲 Get Navi-mumbai News on Whatsapp 💬