[ratnagiri] - 'मायावी राक्षसाला भाजपने जवळ केले'

  |   Ratnagirinews

म. टा. वृत्तसेवा, सिंधुदुर्ग

'माझे मुख्यमंत्र्यांशी भांडण नाही. भारतीय जनता पक्षाशीही नाही. राज्य युतीचेच येणार आहे. पण भाजपने कणकवलीत मायावी राक्षसाला जवळ करून त्याला उमेदवारी दिली आहे. आमचा त्यावर आक्षेप आहे', अशा शब्दांत भारतीय जनता पक्षाने नारायण राणे यांचे पुत्र नितेश राणे यांना उमेदवारी दिल्याबद्दलचा रोष शिवसेनेचे पक्षप्रमुख उद्धव ठाकरे यांनी बुधवारी कणकवली येथील जाहीर सभेत व्यक्त केला.

कणकवली येथे भाजपने राणे यांना उमेदवारी दिली असतानाही सेनेने सतीश सावंत यांना उमेदवारी दिली आहे. सावंत यांच्यासाठी आयोजित प्रचारसभेत उद्धव यांनी भाजपला कानपिचक्या दिल्या. 'भाजप आमचा मित्र आहे. मित्राचे काही वाईट होऊ नये म्हणून सावध करण्यासाठी मी येथे आलो आहे', असे उद्गार उद्धव यांनी काढले. 'नाणार प्रकल्पाला सेनेचा विरोधच असेल', अशी पुस्ती यावेळी त्यांनी जोडली. भाजपमधून हकालपट्टी झालेले बंडखोर नेते संदेश पारकर व इतर काही जणांनी यावेळी सेनेत प्रवेश केला. नंतर सावंतवाडी येथे शिवसेना उमेदवार दीपक केसरकर यांच्या प्रचारासाठीही उद्धव यांची सभा झाली.

फोटो - http://v.duta.us/zK_93wAA

येथे संपूर्ण कथा वाचा- - http://v.duta.us/DVy0CAAA

📲 Get Ratnagiri News on Whatsapp 💬