[nagpur] - पाकिस्तानला देणार ‘करारा जवाब’

  |   Nagpurnews

म. टा. प्रतिनिधी, नागपूर

पुलवामा येथे भारतीय सैन्यांवर करण्यात आलेला हल्ला अत्यंत भ्याड असला तरी दहशतवाद्यांच्या कार्यशैलीतील बदल दर्शविणारा आहे. या हल्ल्यानंतर भारतीय सैन्य आणि सरकार शांत राहणार नसून येत्या चार महिन्यांत प्रत्युत्तर मिळेल, असा विश्वास माजी लष्करी अधिकाऱ्यांनी व्यक्त केला.

जम्मू-काश्मीरमधील पुलवामा जिल्ह्यात केंद्रीय राखीव सुरक्षा दलाच्या (सीआरपीएफ) एका तुकडीवर दहशतवाद्यांनी केलेल्या भीषण हल्ल्यात ४० जवान शहीद झाले. दहशतवाद्यांनी आयईडी स्फोट केला. यात सीआरपीएफचे अनेक जवान जखमी झालेत. या वर्षातला आतापर्यंतचा हा सर्वांत मोठा हल्ला आहे. या हल्ल्याने पुन्हा एकदा काश्मीर हादरले. यावर शहरातील माजी लष्करी अधिकाऱ्यांनी प्रतिक्रिया व्यक्त करताना या दहशतवादी हल्ल्याचा निषेध केला. तसेच अत्यंत भ्याड अशा या हल्ल्यामागे असणाऱ्यांची हयगय करू नये, असे स्पष्ट केले. याबाबत अधिक बोलताना विंग कमांडर (सेवानिवृत्त) अशोक मोटे म्हणाले,'दहशतवाद्यांचे कंबरडे मोडल्याशिवाय आपण शांत बसायला नको. आपले विद्यमान सेनाप्रमुख आणि पंतप्रधान सक्षम असून ते लवकरच तोडीस तोड उत्तर देतील. काही काळापूर्वी आपण सर्जिकल स्ट्राइक करून शत्रूंच्या नाकी नऊ आणले होते. पण, त्यावेळी काही पुरोगामी आणि सहिष्णुतावादी मंडळींनी केवळ भाजपविरोधी टीका करून सर्जिकल स्ट्राइकविरुद्ध भाष्य केले होते. त्यांनी आता तरी तोंड उघडू नये. अशांनी संयमाची भाषा आता बोलू नये. आजचा हल्ला अत्यंत भ्याड असून पाकिस्तानमध्ये असलेले दहशतवाद्यांचे अड्डे संपवायला हवेत. पाकिस्तानच्या विघटनाशिवाय ही समस्या सुटणार नाही. या हल्ल्याने संयमाची रेषा ओलांडली आहे. त्याला जशास तसे उत्तर द्यायलाच हवे.'...

येथे संपूर्ण कथा वाचा— - http://v.duta.us/BivPKAAA

📲 Get Nagpur News on Whatsapp 💬