[mumbai] - बारामतीची जागा मित्र पक्षांसाठी

  |   Mumbainews

म. टा. विशेष प्रतिनिधी, मुंबई

बारामती लोकसभेची जागा भाजप मित्रपक्षांसाठी सोडणार आहे. मात्र ही जागा भाजपच्या कमळ चिन्हावर लढवावी लागेल, असे मुख्यमंत्री देवेंद्र फडणवीस यांनी स्पष्ट केले.

भाजप प्रदेश कार्यालयात मुख्यमंत्री फडणवीस यांनी पक्षाच्या लोकसभा निवडणुकीसाठी उभारलेल्या मीडिया रूमचे उदघाटन केले. भाजप मित्रपक्षासाठी बारामतीची जागा सोडण्यास तयार आहे. परंतु पक्षाच्या चिन्हावर ही निवडणूक लढवावी लागेल. शिवसेनेसोबत युती झाल्यामुळे अन्य मित्रपक्षांसाठी लोकसभेची जागा सोडणे कठीण असल्याचे त्यांनी सांगितले.

शिवसेना भाजपमध्ये जागांबाबत कोणतेही मतभेद नाहीत. २५ भाजप आणि २३ शिवसेना असे जागांचे वाटप झालेले आहे. त्यामुळे कोणत्याही जागेची अदलाबदल होणार नाही. दोन तीन दिवसांत भाजपच्या लोकसभेच्या उमेदवारांची घोषणा होईल, असे ते म्हणाले. भाजप शिवसेना युतीसाठी राज्यात चांगले वातावरण आहे. मागील लोकसभा निवडणुकीत ४२ जागा युतीने जिंकल्या होत्या. यावेळीही युतीला विक्रमी यश मिळेल, असे त्यांनी सांगितले.

फोटो - http://v.duta.us/YQifrAAA

येथे संपूर्ण कथा वाचा— - http://v.duta.us/eZwVuwAA

📲 Get Mumbai News on Whatsapp 💬