[ahmednagar] - 'शिर्डी'साठी आज मतदान

  |   Ahmednagarnews

'शिर्डी'साठी आज मतदान

नगर : लोकसभा निवडणुकीतील नगर जिल्ह्यातील दुसरी जागा असलेल्या शिर्डी राखीव मतदारसंघासाठी सोमवारी (२९ एप्रिल) उत्तर नगर जिल्ह्यातील १ हजार ७१० मतदान केंद्रांवर मतदान होत आहे. मागील २०१४च्या निवडणुकीत येथे सुमारे ६४ टक्के मतदान झाले होते. त्यामुळे यावेळच्या निवडणुकीतील मतदान टक्केवारी उत्सुकतेची झाली आहे.

शिवसेनेचे सदाशिव लोखंडे, काँग्रेसचे आमदार भाऊसाहेब कांबळे, भाजपचे बंडखोर अपक्ष भाऊसाहेब वाकचौरे व वंचित बहुजन आघाडीचे संजय सुखदान या चार प्रमुख उमेदवारांसह अन्य १६ उमेदवार शिर्डीच्या रिंगणात उतरले आहेत. लोखंडेंसाठी भाजप-सेना युतीसह उत्तरेतील विखे यंत्रणेने तर कांबळेंसाठी राष्ट्रवादीसह आमदार थोरातांनी ताकद लावली आहे. सुखदान यांच्यासाठी प्रकाश आंबेडकर मैदानात उतरले. त्यामुळेच नगर मतदारसंघापाठोपाठ शिर्डीचीही निवडणूक रंगतदार झाली आहे. नरेंद्र मोदी, राहुल गांधी, शरद पवार, रामदास आठवले अशा राष्ट्रीय नेत्यांसह देवेंद्र फडणवीस, उद्धव ठाकरे, राधाकृष्ण विखे, बाळासाहेब थोरात, धनंजय मुंडे, पंकजा मुंडे, इम्तियाज जलील व अन्य राज्यस्तरीय नेत्यांनी जोरदार सभा घेऊन शिर्डीचे मैदान गाजवले आहे. त्यामुळेच १५ लाख ८४ हजार मतदारांपैकी किती जण सोमवारी मतदानाचे कर्तव्य पार पाडतात, याची उत्सुकता आहे. साडेतीन हजारांवर पोलिसांचा बंदोबस्त तैनात करण्यात आला आहे. नगर मतदारसंघाच्या निवडणुकीत मतदान सुरू असताना सुमारे साडेतीनशेवर मतदान यंत्रे बंद पडली होती. या पार्श्वभूमीवर शिर्डीसाठी आवश्यक काळजी प्रशासनाद्वारे घेण्यात आली आहे....

येथे संपूर्ण कथा वाचा— - http://v.duta.us/A23jYQAA

📲 Get Ahmednagar News on Whatsapp 💬