[nagpur] - गाडी येण्याच्या वेळी नळ बंद

  |   Nagpurnews

म.टा. विशएष प्रतिनिधी, नागपूर

ऐन गाडी येण्याच्यावेळी पिण्याच्या पाण्यासाठीचा नळ बंद असल्याने प्रवाशांना पाणी विकत घेण्यासाठी रांग लावावी लागली. हा प्रकार रविवारी दुपारी नागपूर रेल्वे स्थानकावर प्लॅटफॉर्म क्रमांक ६ वर घडला.

सध्या पारा ४५च्या पुढे आहे. नागपूर स्थानकावर सर्वच प्लॅटफॉर्मवर थंड पाण्याची व्यवस्था करण्यात आली आहे. मिस्ट कुलिंगही सुरू आहे. दुपारी १.४० वाजता कुर्ला- हतिया गाडी प्लॅटफॉर्म क्रमांक ६ वर आली तेंव्हा या प्लॅटफॉर्मवरील नळाचा व्हॉल्व कुणीतरी बंद करून ठेवल्याचे लक्षात आले. त्यामुळे जे प्रवाशी गाडीतून उतरून धावत प्लॅटफॉर्मवरील नळाकडे गेले त्यांना तेथे पाणी मिळाले नाही. मग हे प्रवाशी पाण्याची बाटली विकत घेण्यासाठी रांगेत लागले. आता हा व्हॉल्व कोणी बंद कला, याची चौकशी होणे गरजेचे आहे. गाडीची वेळ झाल्याने अनेक प्रवाशांना रांगेत लागूनही पाणी मिळू शकले नाही. विशेष म्हणजे यावेळी अन्य प्लॅटफॉर्मवरील नळ मात्र सुरू होते. मग ६ वरील नळ बंद कसे असा प्रश्न या निमित्ताने उपस्थित झाला आहे. प्लॅटफॉर्म क्रमांक ६ वर एक वॉटर वेंडिग मशिन आणि एक स्टॉल आहे. याशिवाय रेल्वे प्रशासनार्फे थंड पाण्याची मशिनही आहे. प्रवासी या मशिनव्दारे थंड पाणी बाटलीत घेतात. मात्र, थंड पाण्याची मशिन बंद असेल तर प्रवाशांना स्टॉल किंवा वॉटर वेंडिग मशिनवरून पाणी खरेदी करावेच लागते. कोणीतरी हा जाणून प्रकार केला असावा अशी शक्यता वर्तविण्यात येत आहे.

फोटो - http://v.duta.us/j2CeVAAA

येथे संपूर्ण कथा वाचा— - http://v.duta.us/WK6mYQAA

📲 Get Nagpur News on Whatsapp 💬