[nagpur] - डेंग्यूचे १६४, हिवतापाचे ५९ बळी

  |   Nagpurnews

नागपूर :राज्यात गेल्या तीन वर्षांमध्ये डेंग्यूचे १६४ तर हिवतापाचे ५९ मृत्यू झाल्याचे वास्तव समोर येत आहे. सर्वाधिक ६६ डेंग्यूचे मृत्यू हे २०१८ मध्ये तर हिवतापाचे २६ मृत्यू २०१६ या वर्षी नोंदवण्यात आले.

राज्यात १ जानेवारी २०१६ ते ३१ डिसेंबर २०१८ या तीन वर्षांच्या कालावधीत कीटकजन्य आजारात मोडणाऱ्या डेंग्यूचे २५ हजार ६५९ रुग्ण आढळले. उपचारादरम्यान त्यातील १६४ जण दगावले. या कालावधीत राज्यात हिवतापाचे ५२ हजार ४५० रुग्ण आढळले. त्यातील ५९ जण दगावले. चिकनगुनियाचे ५ हजार ४१३ रुग्ण आढळले असून हत्तीरोगाच्याही ४३१ रुग्णांची नोंद झाली. एक्यूल्ड इनपलायटीस सिंड्रोमचे या काळात ६९ जण आढळले असून त्यातील सहा जण दगावले. जपानी मेंदूज्वरचे ४७ जण आढळले असून त्यातील दोघांचा मृत्यू झाला. चंडिपुराचे पहिल्या दोन वर्षांत एकही रुग्ण आढळला नसून २०१८ मध्ये सहा जण आढळले होते. या तीन वर्षांत राज्यात एकही काला आजार आणि प्लेगचा रुग्ण आढळला नाही. या कालावधीत जनजागृतीसह विविध कामासाठी मिळालेल्या निधीपैकी ९० टक्केहून जास्त निधी खर्च करण्यात आला. सामाजिक कार्यकर्ते अभय कोलारकर यांनी माहिती अधिकारातून केलेल्या अर्जावर विभागाने दिलेल्या स्पष्टीकरणातून हे वास्तव समोर आले आहे.

फोटो - http://v.duta.us/9pZcCQAA

येथे संपूर्ण कथा वाचा— - http://v.duta.us/YBHrYgAA

📲 Get Nagpur News on Whatsapp 💬