[rayagada] - ବୟସର ଶେଷ ପାହାଚରେ ଆନ୍ତରିକତା ଶିଖାଇଦେଲା ଶ୍ମଶାନ

  |   Rayagadanews

କୋରାପୁଟ,୨୯।୪(ସ୍ବ.ପ୍ର.): ଶ୍ମଶାନ କଥା କହିଲେ ସାଧାରଣତଃ ଆମ ଭିତରେ କେବଳ ଭୟଟିଏ ଉକୁଟେ। କିନ୍ତୁ ସେଇ ଶ୍ମଶାନ ପରିଣତ ବୟସରେ ପାଦ ଦେଇଥିବା ୨ ଜଣ ବୟୋଜ୍ୟେଷ୍ଠ ବ୍ୟକ୍ତିଙ୍କୁ କେବଳ ବନ୍ଧୁତାରେ ବାନ୍ଧି ଦେଇନାହିଁ, ବରଂ ସେମାନଙ୍କ ପାଇଁ ନିର୍ଭୟ ଆଶ୍ରୟସ୍ଥଳୀ ପାଲଟିଛି।

କୋରାପୁଟ ଉପକଣ୍ଠ ତଥା ସହରରୁ ନୂତନ ବୋରିଗୁମ୍ମା ରାସ୍ତାରେ ଥିବା ଶ୍ମଶାନରେ ରହିଛି ଏକ ପରିତ୍ୟକ୍ତ ଘର। ସେଇଠି ଦୁଇ ବନ୍ଧୁ ଭାବେ ଦିନ କାଟୁଛନ୍ତି ଦୁଇଜଣ ବୃଦ୍ଧ। ସେମାନଙ୍କ ଭିତରୁ ଜଣେ ମୁମ୍ବାଇରୁ ଆସିଥିବା ବେଳେ ଅନ୍ୟ ଜଣେ ପ୍ରେମ ସୁନା ଦଶମନ୍ତପୁର ବ୍ଲକ ଗିର୍ଲିଗୁମ୍ମା ପଞ୍ଚାୟତ ଗୌଡ଼ଗୁଡ଼ାରୁ କାମ ଖୋଜିଖୋଜି କୋରାପୁଟରେ ଆସି ପହଞ୍ଚତ୍ଥିଲେ। ପ୍ରେମ ସୁନା କାମ ନ ପାଇ କେଉଁଠି ରହିବି ଭାବି ଶ୍ମଶାନ ଆଡ଼କୁ ଯାଇଥିଲେ। ପ୍ରବେଶ ଦ୍ୱାରରେ ଥିବା ଏକ ପରିତ୍ୟକ୍ତ ଘରେର ୨ଟି ସିମେଣ୍ଟ ବେଞ୍ଚରୁ ଗୋଟିକରେ ରହିଥିଲେ ମରାଠୀ ବୃଦ୍ଧ ଜଣକ। ଅନ୍ୟ ବେଞ୍ଚଟିକୁ ଅକ୍ତିଆର କରିନେଲେ ପ୍ରେମ। କେହି କାହାକୁ ଚିହ୍ନି ନଥିଲେ। ମରାଠି କଥା ହେଉଥିବା ଅପରିଚିତ ବୃଦ୍ଧ ଜଣକ ମାନସିକ ରୋଗୀ ବୋଲି ଜାଣିବା ପରେ ପ୍ରେମ ତାଙ୍କ ଆବଶ୍ୟକତା ଦେଖି ସେହିଠାରେ ରହିଯାଇଛନ୍ତି। ଧୀରେଧୀରେ ଉଭୟଙ୍କ ଭିତରେ ବନ୍ଧୁତା ବଢ଼ିଯାଇଛି। ମରାଠି ବୃଦ୍ଧ ଜଣକ ବଜାରକୁ ଯାଇ ଚାଉଳ, ପନିପରିବା ମାଗି ଆଣିଲେ ପ୍ରେମ ସୁନା ସେ ସବୁକୁ ରାନ୍ଧିବା ଦାୟିତ୍ୱଟି ନେଇଛନ୍ତି। ଜଣେ ନ ଖାଇଲା ପର୍ଯ୍ୟନ୍ତ ଅନ୍ୟ ଜଣେ ଅପେକ୍ଷା କରୁଛି। ବର୍ଷେ ହେଲା ଦୁଇବନ୍ଧୁ ଏଠାରେ ରହି ଆସୁଛନ୍ତି। ଶ୍ମଶାନରେ ରହିବା ଲାଗି ସେମାନଙ୍କୁ କେବେ ଭୟ ଲାଗିନାହଁି ବୋଲି କହନ୍ତି ପ୍ରେମ ସୁନା।

ଫୋଟୋ - http://v.duta.us/qOIlPQAA

ରେଡ କଂପ୍ଲେଟ ନେବତ୍ସ ହେରେ — - http://v.duta.us/OTta1AAA

📲 Get Rayagada News on Whatsapp 💬