[thane] - ठाणे: निवडणूक ड्युटीवरील शिपाई, पोलिसाचा मृत्यू

  |   Thanenews

म. टा. प्रतिनिधी, ठाणे

लोकसभा निवडणुकीच्या कामासाठी नियुक्त असलेले उल्हासनगर महापालिकेतील शिपाई भगवान मगरे यांचा रविवारी ड्युटीवर असताना हृदयविकाराच्या झटक्याने मृत्यू झाला. त्यांना उष्माघाताचा त्रास झाल्याचेही सांगितले जात आहे. तसेच, लोकसभा निवडणुकीच्या बंदोबस्तावर २३ एप्रिल रोजी अचानक तब्येत बिघडलेल्या दशरथ कान्हू कोरडे या पोलिस कर्मचाऱ्याचाही रविवारी रुग्णालयात उपचारादरम्यान मृत्यू झाला.

उल्हासनगर महापालिकेतील पाणीपुरवठा विभागात शिपाई असलेल्या भगवान मगरे यांची उल्हासनगरच्या सी ब्लॉक येथे निवडणुकीच्या कामासाठी ड्युटी लावण्यात आली होती. मात्र, रविवारी दुपारी अचानक त्यांना हृदयविकाराचा झटका आला. उल्हासनगर सेन्ट्रल हॉस्पिटलमध्ये त्यांचे शव विच्छेदनासाठी पाठवण्यात आले असून, या प्रकरणी अकस्मात मृत्यूची नोंद मध्यवर्ती पोलिस ठाण्यात करण्यात आली आहे.

ठाणे पोलिस मुख्यालयात नेमणूक असलेले ए.एस.आय. कोरडे भिवंडीतील निजामपुरा पोलिस ठाणे येथे लोकसभा निवडणुकीच्या बंदोस्तावर होते. २३ एप्रिल रोजी अचानक त्यांची तब्येत बिघडली. त्यांना सुरुवातीला भिवंडीतील आयजीएम रुग्णालयात दाखल करण्यात आले होते. नंतर पुढील उपचारासाठी कोरडे यांना कळव्यातील छत्रपती शिवाजी महाराज रुग्णालयात हलवण्यात आले. मात्र, उपचारादरम्यान शनिवारी सकाळी कोरडे यांचा मृत्यू झाला.

फोटो - http://v.duta.us/2f4TNQAA

येथे संपूर्ण कथा वाचा— - http://v.duta.us/tybcnQAA

📲 Get Thane News on Whatsapp 💬