[thane] - मतमोजणी केंद्राची सुरक्षा तीन रचनेत

  |   Thanenews

सीआरपीएफकडे स्ट्राँगरूमचा ताबा

म. टा. प्रतिनिधी, ठाणे

मतदानानंतर २३ मे रोजी होणाऱ्या मतमोजणी केंद्रांची ठिकाणेही निश्चित करण्यात आली असून ठाणे लोकसभा मतदारसंघाची मतमोजणी घोडबंदर रोडवरील कावेसर येथील न्यू होरायझन स्कॉलर स्कूलमध्ये होणार आहे. या केंद्राची सुरक्षिततेची रचना तीन टप्प्यांत करण्यात आली आहे. केंद्रामधील आणि बाहेरही बंदोबस्त ठेवण्यात आला आहे. ईव्हीएम मशीन असलेल्या स्ट्राँगरूम या संपूर्णपणे सीआरपीएफच्या ताब्यात असणार आहे.

जिल्ह्यातील तिन्ही लोकसभा मतदारसंघांच्या मतमोजणीच्या ठिकाणची निश्चितीकरण झाली असून भिवंडी लोकसभा मतदारसंघाची मतमोजणी भिवंडीतील एलकुंदे गावातील महावीर फाउंडेशन प्रेसिडेंसी स्कूल येथे तर कल्याण लोकसभा मतदारसंघाची मतमोजणी डोंबिवलीतील हभप सावळाराम महाराज क्रीडासंकुलात होणार आहे. २३ मे रोजी सकाळी ८ वाजल्यापासून मतमोजणीला सुरुवात होईल. सोमवारी मतदानाची प्रक्रिया संपल्यानंतर मतमोजणीला २५ दिवसांचा अवधी आहे. तोपर्यंत ईव्हीएम मशिन चोख पोलिस बंदोबस्तात ठेवण्यात येणार आहे. ठाणे शहरातील मतमोजणी केंद्रावर सुरक्षिततेची रचना तीन टप्प्यांत करण्यात आली आहे. प्रत्येक प्रवेशाच्या ठिकाणी सीआरपीएफचे अधिकारी तैनात असणार आहेत. त्यांची राहण्याची व्यवस्थाही त्याच ठिकाणी केली आहे. दुसऱ्या रचनेत एसआरपीएफचे कर्मचारी असतील. तिसऱ्या टप्प्यातील सुरक्षिततेचे जबाबदारी पोलिसांवर देण्यात आली. यामध्ये सहाय्यक पोलिस आयुक्त, वरिष्ठ पोलिस निरीक्षक आणि सहाय्यक पोलिस निरीक्षक आदी पोलिसांचा समावेश आहे. मात्र ईव्हीएम मशीन असलेल्या स्ट्राँगरूमच्या सुरक्षिततेची संपूर्ण जबाबदारी सीआरपीएफकडे सोपवण्यात आली असल्याची माहिती जिल्हा प्रशासनाकडून देण्यात आली....

येथे संपूर्ण कथा वाचा— - http://v.duta.us/nupqhAAA

📲 Get Thane News on Whatsapp 💬