[mumbai] - मालेगाव बॉम्बस्फोट: न्यायाधीशांनी टेम्पोत जाऊन तपासले पुरावे!

  |   Mumbainews

मुंबई:

मालेगाव बॉम्बस्फोटासाठी जी मोटारसायकल वापरण्यात आली आणि ज्याआधारे पूर्वी साध्वी प्रज्ञा सिंह ठाकूरला अटक करण्यात आली होती, त्या मोटारसायकलची पुरावा म्हणून विशेष एनआयए कोर्टाचे न्यायाधीश विनोद पडाळकर यांनी पाहणी केली. विशेष म्हणजे सेशन्स कोर्ट इमारतीखाली एका टेम्पोमध्ये प्रवेश करून न्यायाधीशांनी ही तपासणी केली.

दरम्यान, या प्रकरणाची सुनावणी उद्यापर्यंत तहकूब करण्यात आली आहे. आज केवळ समीर कुलकर्णी हा आरोपी न्यायालयात हजर होता. स्फोटासाठी वापरण्यात आलेली साध्वी प्रज्ञांची मोटारसायकल साक्षीदाराने ओळखली. ही ओळख पटवण्यासाठी साक्षीदार आणि न्यायाधीशांनी ही पाहणी केली. गाडीवरील लोगो पाहून साक्षीदाराने गाडी ओळखली.

२००८ मध्ये मालेगावातील मशीदीजवळ स्फोट होऊन ६ जण ठार झाले होते. प्रज्ञा सिंह ठाकूर यांच्यावर या बॉम्बस्फोटाचा कट रचल्याचा आरोप आहे.

फोटो - http://v.duta.us/IxEfMgAA

येथे संपूर्ण कथा वाचा— - http://v.duta.us/joUEsgAA

📲 Get Mumbai News on Whatsapp 💬