[mumbai] - कलबुर्गी हत्या प्रकरणात सहा जणांवर आरोपपत्र

  |   Mumbainews

वृत्तसंस्था, बेंगळुरू

कन्नड विचारवंत आणि लेखक एम. एम. कलबुर्गी यांच्या हत्येप्रकरणी कर्नाटक पोलिसांच्या विशेष तपास पथकाने (एसआयटी) शनिवारी अमोल काळे, गणेश मिस्कीन, शरद कळसकर, प्रवीण प्रकाश चतुर, वासुदेव भगवान सूर्यवंशी व अमित रामचंद्र बड्डी अशा सहा जणांविरुद्ध आरोपपत्र दाखल केले. या प्रकरणातील तीन आरोपी कर्नाटकातील आणि तीन आरोपी महाराष्ट्रातील आहेत.

डॉ. एम. एम. कलबुर्गी यांची ऑगस्ट २०१५ मध्ये धारवाड येथे त्यांच्या घराजवळच गोळ्या झाडून हत्या करण्यात आली होती. याप्रकरणी सुमारे चार वर्षांनंतर शनिवारी आरोपपत्र दाखल करण्यात आले. एसआयटीने धारवाड विशेष न्यायालयात सर्व सहा आरोपींविरुद्ध आरोपपत्र दाखल केले. कलबुर्गी यांच्या हत्येप्रकरणी एसआयटीमार्फत चौकशी व्हावी, यासाठी कलबुर्गी यांच्या पत्नी उमादेवी यांनी सर्वोच्च न्यायालयात धाव घेतली होती. त्यांच्या याचिकेवर सुनावणी होऊन सर्वोच्च न्यायालयाने कर्नाटक उच्च न्यायालयाच्या धारवाड खंडपीठाच्या देखरेखीखाली एसआयटीने या प्रकरणाची चौकशी करावी, असे आदेश दिले होते. त्यानुसार चौकशी होऊन सहा आरोपींना एसआयटीने बेड्या ठोकल्या होत्या. एम. एम. कलबुर्गी हे प्रसिद्ध कन्नड साहित्यिक असून, ते हम्पी विद्यापीठाचे कुलगुरू होते. त्यांना २००६ मध्ये साहित्य अकादमी पुरस्काराने सन्मानित करण्यात आले होते.

फोटो - http://v.duta.us/-iJW6wAA

येथे संपूर्ण कथा वाचा— - http://v.duta.us/j59WLgAA

📲 Get Mumbai News on Whatsapp 💬