[solapur] - दारू पाजून अल्पवयीन मुलीवर सामूहिक बलात्कार

  |   Solapurnews

पंढरपुरातील घटना; पाच आरोपींना कोठडी

म. टा. वृत्तसेवा, सोलापूर

पंढरपूर शहरातील एका अल्पवयीन मुलीला दारू पाजून तिच्यावर पाच जणांनी सामूहिक बलात्कार केल्याची खळबळजनक घटना गुरुवारी आणि शुक्रवारी घडली आहे. पीडितेचे अश्लील चित्रिकरण मोबाइल फोनद्वारे करण्यात आले होते. तिच्या आई-वडिलांना हा व्हिडिओ व्हायरल करू, अशी धमकी देण्यात आली होती. २ लाख रुपये द्या, नाहीतर व्हिडिओ सोशल मीडियावर व्हायरल करू, अशी धमकी देणाऱ्या पाच तरुणांविरुद्ध शुक्रवारी रात्री उशिरा पंढरपूर पोलिस ठाण्यात गुन्हा दाखल झाला आहे. शनिवारी सर्वांना अटक करून कोर्टात हजर केले असता, सर्वांना तीन दिवस पोलिस कोठडी देण्यात आली आहे.

पीडित अल्पवयीन मुलीला फसवून अंबाबाई पटांगण येथील सुलभ शौचालयाच्या बांधकामावर आरोपींनी नेले. त्या ठिकाणी तिला बळजबरीने दारू पाजण्यात आली. त्यावेळेचे मोबाइलमध्ये चित्रिकरण केले. पीडित मुलीवर ऑक्टोबर २०१८, डिसेंबर २०१८ ते १५ ऑगस्ट २०१९च्या दुपारी चार वाजेपर्यंत अंबाबाई पटांगण येथील सुलभ शौचालयाच्या बांधकामाच्या ठिकाणी व विष्णुपद येथील झुडपात लैंगिक अत्याचार केले. पीडित मुलीच्या आईला व्हिडिओ व्हायरल करण्याची धमकी देऊन दोन लाख रुपयांची मागणी केली. आपल्यावर झालेल्या बलात्काराचा व्हिडिओ शेअर होईल, या भीतीमुळे पीडितेने ही घटना कोणालाही सांगितली नाही. याचाच गैरफायदा घेत तरुणांनी तिच्यावर अनेक वेळा बलात्कार केला. तिच्याकडे पैशांची मागणी देखील करण्यात आली. काही दिवसांनी पीडित तरुणीच्या वागण्यात फरक जाणवू लागल्यानंतर तिच्या आईने विचारले, असता या संपूर्ण प्रकरणाचा उलगडा झाला. या प्रकरणी मनोज माने, आरीफ शेख, अक्षय दिलीप कोळी, माऊली तुकाराम अंकुशराव, साहील सुधीर अभंगराव तरुणांविरुद्ध बलात्काराचा गुन्हा भादवि कलम ३६३, ३७६ (ड), ३७६(२) (एन), ३८४, ५०६, ३४ सह बालकांचे लैंगिक अपराधापासून संरक्षण अधिनियम २०१३चे कलम ४, ६, ८, १२, १६, २ प्रमाणे गुन्हा दाखल करण्यात आला आहे. पुढील तपास सुरू आहे.

येथे संपूर्ण कथा वाचा— - http://v.duta.us/QRrfNgAA

📲 Get Solapur News on Whatsapp 💬