[Mumbai] - मुंबईत मुसळधार पावसाची शक्यता

  |   Mumbainews

मुंबई: मुंबईत कालपासून पावसाने संततधार लावली असून आजही मुसळधार पावसाची शक्यता हवामान खात्याने वर्तवली आहे. मुंबईत गिरगाव, दादर, भायखळा, करिरोड, घाटकोपर, चेंबूर, गोवंडी, मुलुंड, वरळी आदी परिसरात पावसाने दुपारी जोरदार हजेरी लावली. त्यामुळे मुंबईचं हवामान थंड झालं आहे.

मुंबईत कालपासून सुरू असलेल्या संततधार पावसाने आज दुपारनंतर चांगलाच जोर धरला. गणेश आगमनाच्या मिरवणुका सुरू असतानाच पावसाने जोर धरल्याने गणेश भक्तांची तारांबळ उडाली होती. मुंबईत काल सांताक्रुझ येथे१४.२ मिमी तर कुलाबा येथे ६.६ मिमी पावसाची नोंद झाल्याची माहिती वेधशाळेने दिली आहे. तर गेल्या २४ तासांत सांताक्रुझ येथे १५.७ मिमी तर कुलाबा येथे ५ मिमी पावासाची नोंद करण्यात आली. कुलाब्याचे किमान तापमान २७ अंश सेल्सिअस नोंदविले गेले ते नेहमीच्या सामान्य तापामानपेक्षा ३ अंशांनी कमी होते. सांताक्रुझचे किमान तापमान २७.२ अंश सेल्सिअस नोंदविले गेले. ते नेहमीच्या सामान्य तापमानापेक्षा २.७ अंशाने कमी होते. बंगालच्या उपसागरात कमी दाबाचा पट्टा तयार होत असून ४ सप्टेंबरपासून मुसळधार पाऊस होणार असल्याची माहिती हवामान ख्यात्यातील अधिकाऱ्यांनी दिली आहे.

फोटो - http://v.duta.us/DV6wBQAA

येथे संपूर्ण कथा वाचा— - http://v.duta.us/R4l-VAAA

📲 Get Mumbai News on Whatsapp 💬