[mumbai] - नववी-दहावीतील व्याकरण गुण कमी

  |   Mumbainews

मुंबई: अंतर्गत मूल्यमापन आढावा समितीच्या शिफारशींनुसार इयत्ता नववी व दहावीच्या विद्यार्थ्यांसाठी पुन्हा २० गुणांचे अंतर्गत मूल्यमापन सुरू करण्यात आले आहे. मात्र हे करताना मागील शैक्षणिक वर्षात बदल करण्यात आलेल्या अनेक शैक्षणिक संकल्पनांना छेद देत मराठी विषयातील व्याकरणावर काट मारण्यात आली आहे. तर, विज्ञान आणि गणित विषयात पुन्हा एकदा पाठनिहाय गुण देण्यात आले आहेत.

शैक्षणिक वर्ष २०१९-२०पासून इयत्ता नववी व दहावीच्या विद्यार्थ्यांना मराठी व समाजशास्त्र विषयांत अंतर्गत मूल्यमापन सुरू करण्यात आले आहे. या प्रशिक्षणादरम्यान अनेक नव्या गोष्टी शिक्षकांसमोर आल्या. प्रथम भाषा मराठीमध्ये व्याकरणाचे महत्त्व कमी केले असून, चार गुणांचे व्याकरण कमी करण्यात आले आहे. यामध्ये वृत्त आणि अलंकार हे व्याकरणातून वगळण्यात आले आहेत. नववी-दहावीत पर्यायी प्रश्न नववी-दहावीतील विद्यार्थ्यांनी सर्व पाठांचा अभ्यास करावा या उद्देशाने गणित व विज्ञान विषयात पर्यायी प्रश्न बंद करण्यात आले होते. तसेच कोणत्या पाठावर किती गुणांचे प्रश्न येतील, याची माहिती विद्यार्थ्यांना देणे बंद केले होते. मात्र आता किमान गुण व पर्यायासह विचारल्या जाणाऱ्या प्रश्नांचे गुण असे दोन्ही पर्याय देण्यात आले आहेत. मराठी विषयात ३० गुणांचे पर्यायी प्रश्न असणार आहेत. तर विज्ञान आणि गणित या विषयासाठी सुमारे २० ते २५ गुणांचे पर्यायी प्रश्न असणार आहेत. इयत्ता दहावीचे अंतर्गत गुण बंद केल्यामुळे नापास विद्यार्थ्यांचे प्रमाण वाढले. शिवाय हुशार विद्यार्थ्यांचे गुणही कमी झाले. यावरून सरकारवर टीका झाली. यानंतर सरकारने २५ जणांची समिती नेमून अंतर्गत मूल्यमापनाचा पुन्हा आढावा घेण्याचा निर्णय घेतला. आता नव्याने काही बदल घडवण्यात आले आहेत. पर्यवेक्षकांच्या प्रशिक्षणानंतर हंसराज मोराजी शाळेतील शिक्षक जितेंद्र महाजन यांनी या नवीन मूल्यमापन पद्धतीबद्दल समाधान व्यक्त केले आहे. 'यामध्ये विद्यार्थ्यांवरील ताण कमी होईल. कृतिपत्रिकेचा नवा आराखडा विद्यार्थीस्नेही असल्याने सर्व स्तरावरील विद्यार्थ्यांना उपयुक्त राहील', असेही ते म्हणाले. तर ज्या उद्देशाने मागील शैक्षणिक वर्षात अभ्यासक्रमात बदल करण्यात आले होते. त्याला नव्या मूल्यमापन पद्धतीने हरताळ फासला गेला आहे. लोकांच्या मागणीनुसार सरकारने निर्णय घेतला असून, यातून विद्यार्थ्यांना गुण मिळतील, मात्र त्यांचे शैक्षणिक नुकसान होण्याची भीती अभ्यास मंडळातील एका शिक्षकाने व्यक्त केली आहे.

फोटो - http://v.duta.us/o0Cq_gAA

येथे संपूर्ण कथा वाचा— - http://v.duta.us/Fjhe_AAA

📲 Get Mumbai News on Whatsapp 💬