[nagpur] - ​जिग्नेश मेवाणींचा विद्यार्थ्यांशी संवाद

  |   Nagpurnews

म. टा. विशेष प्रतिनिधी, नागपूर

गुजरातचे आमदार व दलित युवा नेता जिग्नेश मेवाणी यांनी रविवारी उत्तर नागपुरातील अनेक ठिकाणी भेटी दिल्या. वाचनालयात जाऊन विद्यार्थ्यांशी संवाद साधला तसेच माजी मंत्री डॉ. नितीन राऊत यांचीही भेट घेत त्यांना उमेदवारी मिळाल्यास प्रचाराला येण्याची ग्वाहीही दिली.

मेवाणी एका कार्यक्रमांतर्गत रविवारी नागपुरात होते. त्यांनी उत्तर नागपूरचे माजी आमदार, माजी व प्रदेश कॉंग्रेसचे कार्याध्यक्ष नितीन राऊत यांची त्यांच्या निवासस्थानी जाऊन भेट घेतली. त्यानंतर त्यांनी राऊत यांनी त्यांच्या कार्यकाळात करण्यात आलेल्या अनेक कामांच्या ठिकाणीही भेट देत पाहणी केली. आहुजानगर येथील क्रीडा संकुलात जाऊन मुलांसोबत व्हॉलीबॉलचा आनंदही लुटला. अशोक चौकातील राममनोहर लोहिया वाचनालयात जाऊन विद्यार्थ्यांशी हितगुज केले. सुगतनगर, टेकानाक्यातील सिद्धार्थनगर येथील वाचनालयालाही त्यांनी भेट देत विद्यार्थ्यांशी चर्चा केली. हुडको कॉलनीतील बुध्दविहारालाही त्यांनी भेट दिली. आमदार मेवाणी यांनी नितीन राऊत यांच्यासोबत उत्तर नागपुरातील प्रसिद्ध् विधिज्ञ अॅड. शशिभूषण वाहाणे, कामगारनगरात राहणारे आंबेडकरी विचारवंत ताराचंद्र खांडेकर तसेच प्रसिद्ध विचारवंत प्रा. भाऊ लोखंडे यांच्या घरी भेट देत त्यांच्याशीही चर्चा केली. मेवाणी यांनी यावेळी महाराष्ट्र विधानसभा निवडणुकीवरही चर्चा केली. राष्ट्रीय राजकारणात कॉंग्रेसतर्फे कसे काम व्हावे, त्यात आपली भूमिका कशी असावी, यावरही चर्चा केली. यावेळी युवक कॉंग्रेसचे प्रदेश उपाध्यक्ष कुणाल राऊत, युवक कॉंग्रेसचे शहर उपाध्यक्ष धीरज पांडे, नगरसेवक दिनेश यादव, आमीर लोही, राकेश निकोसे आदी त्यांच्यासोबत होते....

फोटो - http://v.duta.us/vcSn6gAA

येथे संपूर्ण कथा वाचा— - http://v.duta.us/bipMFwAA

📲 Get Nagpur News on Whatsapp 💬