[pune] - विद्यार्थिनीवर केले मित्राने चाकूने वार

  |   Punenews

नऱ्हे परिसरातील घटना

म. टा. प्रतिनिधी, पुणे

नऱ्ह्यात मित्राला भेटण्यासाठी गेलेल्या विद्यार्थिनीवर धारदार शस्त्राने वार केल्याची घटना रविवारी दुपारी घडली. या विद्यार्थिनीवर ससून रुग्णालयात उपचार सुरू असून, या प्रकरणी सिंहगड रस्ता पोलिस ठाण्यात गुन्हा दाखल करण्याचे काम रात्री उशिरापर्यंत सुरू होते. विद्यार्थिनीने संपर्क तोडल्यामुळे तिच्यावर तरुणाने हल्ला केल्याची प्राथमिक माहिती आहे.

पोलिसांनी दिलेल्या माहितीनुसार, जखमी तरुणी २१ वर्षांची आहे. तिच्यावर वार करणारा तरुण २६ वर्षांचा आहे. दोघेही सोलापुरातील आहेत. आरोपी नऱ्हे परिसरातील इमारतीमध्ये मित्रासोबत राहतो. तो खासगी कंपनीत काम करतो. जखमी तरुणी इंजिनीअरिंगच्या तिसऱ्या वर्षाला सोलापूर येथे शिकते. तिचे प्रॅक्टिकल असल्यामुळे ती रविवारी आईसोबत पुण्यात आली होती. ते बिबवेवाडीत नातेवाइकांकडे राहत होते. रविवारी सकाळी प्रॅक्टिकलला जात असल्याचे सांगून तरुणी घराबाहेर पडली आणि आरोपीला भेटण्यासाठी नऱ्ह्यातील खोलीवर गेली. तेथे त्यांच्यात चर्चा झाली. त्या वेळी तिने संबंधित तरुणाशी भविष्यात संपर्क ठेवण्यास नकार दिला. त्यावरून त्यांच्यात मोठी वादावादी झाली. त्यानंतर तरुणी इमारतीच्या टेरेसवर गेली. तिच्या मागे जाऊन आरोपीने धारदार चाकूने तिच्यावर वार केले. या हल्ल्यामध्ये तिच्या हातावर, छातीवर आणि पोटावर गंभीर जखमा झाल्या आहेत. हल्ला केल्यानंतर तरुण फरारी झाला....

फोटो - http://v.duta.us/oQ74wQAA

येथे संपूर्ण कथा वाचा— - http://v.duta.us/ka9OpQAA

📲 Get Pune News on Whatsapp 💬