[Nashik] - फेसबुक मित्राकडून महिलेवर अत्याचार

  |   Nashiknews

म. टा. वृत्तसेवा, नाशिकरोड

सोशल मीडियावरील एका मित्राने पतीला फोटो दाखविण्याची धमकी देत आणि लग्नाचे आश्वासन देऊन वेळोवेळी जबरदस्तीने महिलेसाबत शारीरिक संबंध ठेवल्याप्रकरणी फेसबुक मित्राविरुद्ध उपनगर पोलिस ठाण्यात गुन्हा दाखल झाला आहे.

आगार टाकळीतील महिलेने दिलेल्या तक्रारीवरून अक्षय दिवे याच्याविरुद्ध हा गुन्हा दाखल झाला आहे. तक्रारीत, सदर महिला विवाहित असून तिला तीन वर्षांचा मुलगा आहे. फेसबुकवर तिची अक्षय दिवेशी ओळख झाली. त्याने ओळखीचे रुपांतर प्रेमात करण्याचा प्रयत्न केला. मात्र, महिलेने नकार दिला. ही महिला मे २०१९ मध्ये जेलरोडच्या क्लासमध्ये असताना अक्षय भेटायला आला. आपल्या आई-वडीलांचे काही दिवसांपूर्वी निधन झाल्याचे महिलने सांगितल्यावर अक्षयने तिला जोक सांगून हसवले आणि गालाचा किस घेऊन मोबाइलमध्ये सेल्फी काढला. नंतर महिलेच्या पतीला हे फोटो दाखविण्याची धमकी आणि लग्नाचे आश्वासन देत शरीरसुखाची मागणी केली. तसेच औरंगाबादरोडवरील लॉजवर नेऊन जबरदस्तीने शारीरिक संबंध ठेवले. त्यानंतर क्लासवरून तीन वेळा मोटारसायकलने त्याच लॉजवर नेऊन असेच प्रकार पुन्हा केले. दरम्यान, पतीला प्रेमसंबंधांबाबत कळाल्यानंतर त्याने महिलेला अक्षयच्या घरी नेऊन सोडले. त्यानंतर लग्न करण्याचे व पतीकडे असलेला मुलाचा ताबा मिळवून देण्याचे आश्वासन देत अक्षयने महिलेला विविध नातेवाइकांकडे ठेवले. तेथेही शारीरिक संबंध ठेवले. फसवणूक झाल्याचे लक्षात आल्यावर महिलेने तक्रार नोंदवली.

फोटो - http://v.duta.us/toncAQAA

येथे संपूर्ण कथा वाचा— - http://v.duta.us/-qcmwAAA

📲 Get Nashik News on Whatsapp 💬