[aurangabad-maharashtra] - ‘संत एकनाथ’च्या कामगारांना मिळेल वेतन

  |   Aurangabad-Maharashtranews

म. टा. विशेष प्रतिनिधी, औरंगाबाद

पैठण तालुक्यातील संत एकनाथ सहकारी साखर कारखाना सध्या चालवित असलेले सचिन घायाळ शुगर प्रा. लि. यांनी कर्मचाऱ्यांचे वेतन व इतर देय रकमेपोटी २५ लाख रुपयांचा धनादेश कारखान्याच्या संचालकांकडे देत असल्याचे प्रतिज्ञापत्र औरंगाबाद खंडपीठात दाखल केले. तसेच उर्वरित रकम (सुमारे दीड ते पावणे दोन कोटी) चार आठवड्यात देण्याचे हमीपत्र सुद्धा त्यांनी खंडपीठात दाखल केले. त्यावरून न्या. संजय गंगापूरवाला आणि न्या. ए. एम. ढवळे यांनी याचिका निकाली काढली.

साखर कारखाना वेळोवेळी बंद राहिल्यामुळे २००७-०८ पासून कर्मचाऱ्याचे वेतन, बोनस, भविष्य निर्वाह निधी, भत्ते आदी दिले गेले नाही. संचालक मंडळाने २०१४-१५ या गळीत हंगामात सचिन घायाळ शुगर प्रा. लि. यांना १८ गळीत हंगामात चालविण्यासाठी दिला. कर्मचाऱ्यांची देय थकबाकी घायाळ यांनी द्यावी, अशी अट ३ ऑगस्ट २०१५ रोजी झालेल्या करारमध्ये आहे. त्यानंतर २०१४-१५ आणि २०१५-१६ हे दोन गळीत हंगाम झाले. परंतु, घायाळ यांनी कर्मचाऱ्यांची देय रक्कम दिली नाही. फक्त चालू वेतनाची ८० टक्के रक्कम दिली. म्हणून कर्मचाऱ्यांनी उपोषण केल्यामुळे २०१६-१७ च्या हंगामात कारखाना बंद राहिला. दरम्यान, कराराचा वाद लवादाकडे (साखर संचालकांकडे) गेला. दोन्ही पक्षांनी नुकसान भरपाईचे दावे केले. अंतिम निर्णय घायाळ यांच्या बाजूने लागला. घायाळ यांना कारखाना चालवू द्यावा, त्यांना सर्व कागदपत्रे द्यावीत, असा आदेश साखर संचालकांनी दिला. या आदेशाविरुद्ध जिल्हा न्यायालयात अपील दाखल झाले. मात्र, त्यात तडजोड झाली. त्यानुसार येथून पुढे घायाळ यांनी प्रत्येक हंगामात १०० रुपये प्रति टन प्रति महिना याप्रमाणे थकीत रकमेपोटी द्यावेत, अशी तडजोड करण्यात आली....

येथे संपूर्ण कथा वाचा— - http://v.duta.us/7H-tHAAA

📲 Get Aurangabad-maharashtra News on Whatsapp 💬