[jalgaon] - कार्यपद्धती समजून कामांचा प्राधान्यक्रम ठरविणार

  |   Jalgaonnews

म. टा. प्रतिनिधी, जळगाव

सोलापूर येथील महापालिका आयुक्त पदावरून जळगाव जिल्हाधिकारी म्हणून बदली झाली. त्यामुळे जिल्हाधिकारी म्हणून येथील कार्यपद्धती समजून घेतल्यानंतरच कामांचा प्राधान्यक्रम ठरविणार असल्याची माहिती नूतन जिल्हाधिकारी अविनाश ढाकणे यांनी पत्रकारांशी बोलताना दिली. सोमवारी (दि. ११) दुपारी त्यांनी किशोर राजेनिंबाळकर यांच्याकडून पदभार स्वीकारला.

सोलापूर महापालिकेचे आयुक्त अविनाश ढाकणे यांची जळगाव जिल्हाधिकारी म्हणून बदली झाली आहे. सोलापूर येथे आयुक्त म्हणून लक्षणीय काम केलेल्या अविनाश ढाकणे यांनी सोमवारी जिल्हाधिकारी पदाचा पदभार जळगावचे मावळते जिल्हाधिकारी किशोर राजेनिंबाळकर यांच्याकडून सोमवारी दुपारी पदभार स्वीकारला. या वेळी त्यांनी पत्रकारांशीही संवाद साधला. त्यांनी महापालिका आयुक्त पदावरून जिल्हाधिकारी म्हणून पदभार घेतला आहे. त्यामुळे काही दिवस जिल्हाधिकारी म्हणून कार्यपद्धती समजावून घेऊ त्यानंतर कुठल्या कामाला प्राधान्य देता येईल याबाबत विचार करू, असे सांगितले. या वेळी मावळते जिल्हाधिकारी निंबाळकर यांनी नूतन जिल्हाधिकारी ढाकणे यांना शुभेच्छा दिल्या.

फोटो - http://v.duta.us/r6Q7EAAA

येथे संपूर्ण कथा वाचा— - http://v.duta.us/jTRabQAA

📲 Get Jalgaon News on Whatsapp 💬