[kolhapur] - चोरट्यांना तीन वर्षे कारावास

  |   Kolhapurnews

म. टा. वृत्तसेवा शाहूवाडी

शाहूवाडी पोलिस ठाण्याच्या हद्दीतील शिवारे (ता. शाहूवाडी) येथील सद्गुरू बाळूमामा मंदिरात वर्षभरापूर्वी घडलेल्या चोरीतील दोन प्रमुख आरोपींना शाहूवाडी-मलकापूर न्यायालयाने प्रत्येकी तीन वर्षे सश्रम कारावास व एक हजार रुपये दंड अशी शिक्षा सुनावली. मिनीनाथ विश्वंभर गायकवाड (रा. पत्राचाळ, अजंठानगर, चिंचवड-पुणे), सिद्धनाथ सुदाम गायकवाड (रा. गोरेवाडी, ता. खानापूर, जि. सांगली) अशी शिक्षा झालेल्या आरोपींची नावे आहेत. प्रथम वर्ग न्यायदंडाधिकारी ए. ए. वाळुंजकर यांनी ही शिक्षा सुनावली. शिवारे येथील बाळूमामा मंदिरात ६ व ७ जानेवारी २०१८ यांदरम्यान चोरी झाली होती. चोरट्यांनी मंदिरातील सोन्या, चांदीचे दागिने, मूर्ती व दानपेटीतील रोख रक्कम पळवली होती. चोरीची घटना सीसीटीव्हीत दिसली होती. याप्रकरणी संजय पाटील (रा. शिवारे) यांनी दिलेल्या फिर्यादीनुसार पोलिसांनी भारतीय दंड विधानसंहिता कलम ४५७, ३८०, ३४ प्रमाणे चोरट्यांविरुद्ध शाहूवाडी पोलिसांत गुन्हा दाखल केला होता. तत्कालीन सहाय्यक पोलिस उपनिरीक्षक पडवळ यांनी तपास करून चोरट्यांना पकडले होते

येथे संपूर्ण कथा वाचा— - http://v.duta.us/n5QBPQAA

📲 Get Kolhapur News on Whatsapp 💬