[mumbai] - mpsc: एमपीएससीत 'व्यापम'सारखा घोटाळा: काँग्रेस

  |   Mumbainews

मुंबई

महाराष्ट्र लोकसेवा आयोगाच्या ( ) परीक्षेत मध्य प्रदेशातील 'व्यापम'सारखा घोटाळा झाला असल्याचा सनसनाटी आरोप महाराष्ट्र युवक काँग्रेसचे अध्यक्ष सत्यजीत तांबे यांनी पत्रकार परिषदेत केला आहे. ही परीक्षा तातडीने रद्द करण्यात यावी अशी मागणीही तांबे यांनी केलीय. आपली मागणी मान्य न झाल्यास आपण न्यायालयाचा दरवाजा ठोठावू असा इशाराही तांबे यांनी राज्य सरकारला दिला आहे.

राज्य सरकार एमपीएससीच्या परीक्षेत सामूहिक कॉपीला उत्तेजन देत असल्याचे स्पष्ट झाले असल्याचा गंभीर आरोप करत, याची चौकशी झाल्यास हा व्यापमपेक्षाही मोठा घोटाळा असल्याचे सिद्ध होईल, असेही तांबे म्हणाले.

एमपीएससीची परीक्षा देणाऱ्या परीक्षार्थींना परीक्षेचा फॉर्म भरण्यापूर्वी आपली प्रोफाइल तयार करावी लागते. याबरोबरच उमेदवाराला आपला मोबाइल क्रमांकही भरावा लागतो. २०१७-१८ पासून परिक्षार्थींच्या मोबाइल क्रमांकाचे शेवटचे डिजिट ग्राह्य धरून परीक्षार्थीला आसन क्रमांक दिला जातो. मात्र, अनेक उमेदवारांनी आपल्या मोबाइलचा शेवटचा सिरीयल क्रमांक आपल्याला सोयीच्या असलेल्या उमेदवाराशी मिळता जुळता करून प्रोफाइलमध्ये अपडेट करण्याचे काम केले असल्याचे तांबे यांनी स्पष्ट केले. त्यामुळे परीक्षेत एकमेकांना मदत करू शकणाऱ्या परीक्षार्थींचा आसन क्रमांक एकमेकांच्या मागे पुढे आला आहे. अशा जोड्या बहुसंख्येने उत्तीर्ण झाल्याचे महाराष्ट्र लोकसेवा आयोगाच्या निकालात स्पष्ट झाल्याचेही तांबे यांनी दाखवून दिले आहे....

फोटो - http://v.duta.us/j9fcygAA

येथे संपूर्ण कथा वाचा— - http://v.duta.us/OTLYagAA

📲 Get Mumbai News on Whatsapp 💬