[navi-mumbai] - मिलिंद खाडे न्यायालयीन कोठडी

  |   Navi-Mumbainews

नवी मुंबई : दोन लाख रुपयांची खंडणी घेताना रंगेहाथ पकडला गेलेला मनसेचा कामोठे उपशहराध्यक्ष मिलिंद खाडे याची न्यायालयाने सोमवारी न्यायालयीन कोठडीत रवानगी केली. खाडे याने जुई कामोठे येथील जमीनमालक धर्मा जोशी यांनी विनापरवानगी वृक्ष छाटल्याचे निमित्त करून त्यांना वेगवेगळ्या प्रकारे धमकावून त्यांच्याकडे ६ लाख रुपये खंडणीची मागणी केली होती. त्यानंतर खंडणीविरोधी पथकाने गेल्या आठवड्यात त्याला सापळा लावून अटक केली.

खाडेच्या पोलिस कोठडीची मुदत सोमवारी संपल्याने त्याला न्यायालयात हजर करण्यात आले होते. खाडे याने धर्मा जोशी यांना धमकावतानाचे व्हीडिओ आणि ऑडिओचा अधिक तपास करण्यासाठी पोलिस कोठडी वाढवून द्यावी, अशी मागणी पोलिसांनी केली. मात्र न्यायालयाने मिलिंद खाडे याला न्यायालयीन कोठडी ठोठावली. दरम्यान, खाडे याने जमीनमालक धर्मा जोशी यांना ६ लाख रुपयांच्या खंडणीसाठी धमकावताना नवी मुंबईतील काही बिल्डरांची नावे घेतल्याचे आढळून आले आहे. त्या बिल्डरनासुद्धा त्याने धमकावून खंडणी उकळली असण्याची शक्यता व्यक्त करण्यात येत आहे. त्यानुसार पोलिसांकडून चौकशी करण्यात येणार आहे. त्यामुळे खाडे याचे आणखी काही गुन्हे उघडकीस येण्याची शक्यता आहे.

येथे संपूर्ण कथा वाचा— - http://v.duta.us/yY5wVgAA

📲 Get Navi-mumbai News on Whatsapp 💬